અમદાવાદ: કેન્દ્ર સરકાર દ્વારા 500 અને 1000 રૂપિયાની નોટ બંધ કરવામાં આવી છે. તેને 20 મહિના હોવા છતા અત્યાર સુધી લોકો જૂની નોટો ઝડપાઈ રહી. ત્યારે હવે અમદાવાદના ચાંદખેડા સ્થિત હાઈવે મોલ પાસે જૂની નોટો સાથે 4 શખ્સો ઝડપાયા છે. પોલીસે 99 લાખ 99 હજાર રૂપિયાની જૂની નોટો ઝડપી પાડી છે.
મહત્વનું છે કે ચાંદખેડા વિસ્તારમાં અજાણ્યા શખ્સો જૂની નોટો બદલાવવા માટે આવ્યા હોવાની પોલીસને બાતમી મળી હતી. ત્યારબાદ પોલીસે વોચ ગોઠવીને કાર્યવાહી હાથ ધરી હતી. એક ગાડી પર પોલીસને શંકા થતા ગાડીની ચેકિંગ કરવામાં આવી હતી. આ દરમિયાન પોલીસને 99 લાખ 99 હજાર રૂપિયાની જૂની નોટો મળી આવી હતી.
પોલીસે જૂની નોટો સાથે ગાડી મોબાઈલ સહિત 1 કરોડ 2 લાખ રૂપિયાનો મુદ્દામાલ કબ્જે કર્યો છે. આ મામલે પોલીસે 1 મહિલા સહિત 4 શખ્સોની ધરપકડ કરી છે. આરોપીઓ પાસેથી પૂછપરછ કરતા જાણવા મળ્યું કે આ આરોપીઓ 10 ટકાથી જૂની નોટો બદલાવવા માટે આવ્યા હતા. આ શખ્સો કોની પાસેથી નોટો બદલાવવા માટે આવ્યા હતા અને આ ઘટનામાં કોણ કોણ સામેલ છે તે દિશામાં પોલીસ તપાસ હાથ ધરી છે.