કેશવાનમાંથી 98 લાખની લૂંટ મામલે UPથી મુખ્ય આરોપી સુધીર બધેલની ધરપકડ

અમદાવાદઃ કેશવાન લૂંટ મામલે ક્રાઈમ બ્રાન્ચને મોટી સફળતા મળી છે. લૂંટમા સંડોવાયેલ ડ્રાઇવર સુધીર બધેલની અમદાવાદ ક્રાઇમ બ્રાન્ચે UPથી ધરપકડ કરી આગળની કાર્યવાહી હાથ ધરી છે. મહત્વનુ છે કે કેશવાનમાંથી રૂ.98 લાખની લૂંટ ચલાવી આરોપી ફરાર થયા હતા.

કેશવાનમાંથી રૂપિયા 98 લાખની લૂંટનો મામલે અમદાવાદ ક્રાઈમબ્રાંચે 2 આરોપીઓને ઝડપ્યા હતા. ઉત્તરપ્રદેશમાંથી ક્રાઈમબ્રાંચે 2 શખ્સોને ઝડપ્યા હતા. જેમાં ઉતરપ્રદેશ પોલીસ અને ક્રાઈમબ્રાંચની સંયુક્ત કામગીરી કરવામાં આવી હતી.



શું છે સમગ્ર ઘટનાક્રમ?
4 દિવસ પહેલા 23 ફેબ્રુઆરીએ સાંજના સમયે રાજપથ ક્લબ નજીક વસ્ત્રાપુરમાં HDFC બેંકના એટીએમમાં પૈસા ભરવા સીએમએસ ઇન્ફો કંપનીનું કેશ વાન આવેલ હતું. જેમાં કેશવાનનો ડ્રાઇવર સુધીરે સહ કર્મચારીઓ અને ગનમેન સિક્યુરિટીને કેફી પીણું પીવડાવીને બેભાન કરી દીધા હતા. ત્યારબાદ સુધીર ડ્રાઇવર કેશવાનમાં રહેલા 98 લાખ રૂપિયા લઇને નાસી છૂટ્યો હતો.

ઉલ્લેખનીય છે કે રાજપથ ક્લબ પાસે 98 લાખની લૂંટ કેસ મામલે પોલીસ તપાસમાં નવો ખુલાસો થયો હતો. લૂંટ સમયે ત્રણેય આરોપી વારંવાર ફોન પર વાતચીત કરતા હતાં. જેને લઇ પોલીસ દ્વારા વિપીન યાદવની પૂછપરછ કરાઇ હતી. વિપીન યાદવ મહેમદાવાદના ખાત્રજનો રહેવાસી છે.

ત્યારબાદ આ મામલે ક્રાઇમબ્રાંચે 2 આરોપીઓને ઝડપ્યા હતા. ઘણાં દિવસો બાદ પોલીસને મોટી સફળતા મળી છે. મહત્વનું છે કે પોલીસ દ્વારા આરોપીઓને ઝડપવા માટે ઈનામ પણ જાહેર કરાયું હતું. આરોપી ડ્રાઇવર સુધીર બઘેલની ધરપકડ કરાઇ છે.