ક્રાઇમ / હોટલમાં ઊતરનારા લોકોની વિગત ઓનલાઈન અપડેટ નહીં થતા 38 હોટલો સામે ગુનો

અમદાવાદઃ શહેરની અલગ અલગ હોટલ તેમજ ગેસ્ટ હાઉસમાં રોકાતા પ્રવાસીઓની તમામ વિગતો હોટલ સંચાલકો દ્વારા ઓનલાઇન અપડેટ નહીં કરાતાં પોલીસે લાલ આંખ કરી છે.  અમદાવાદનાં સ્પેશિયલ ઓપરેશન ગ્રૂપની ટીમે ક્રાઈમ બ્રાંચના પથિક (પ્રોગ્રામ ફોર એનાલિસિસ ઓફ ટ્રાવેલર્સ ઈન્ફોમેટિક્સ) નામનું સોફટવેર ઈન્સ્ટોલ નહીં કરી ઓનલાઈન એન્ટ્રી નહીં કરવા બદલ શહેરની વિવિધ હોટેલમાં સર્ચ ઓપરેશન હાથ ધર્યું હતું, જેમાં એસઓજી ક્રાઇમે છેલ્લા એક અઠવા‌િડયામાં ૩૮ હોટલના સંચાલકો સામે આ સોફ્ટવેરનો ઉપયોગ નહીં કરવા બદલ ગુનો  દાખલ કર્યો છે.

અમદાવાદ ક્રાઈમ બ્રાંચ દ્વારા બે વર્ષ પહેલાં પથિક સોફ્ટવેર લોન્ચ કરવામાં આવ્યું હતું, જેમાં બહારથી આવતા મુસાફરોની માહિતી વગેરેનું ઓનલાઈન રજિસ્ટ્રેશન કરવાથી તેમની તમામ વિગતો જરૂર હોય ત્યારે ઉપલબ્ધ રહે તેવો ઉદ્દેશ હતો. એસઓજીએ હોટલ રાજ પેલેસ, પ્રતીક્ષા, સિલ્વર-ઇન, બુક્સ રેગન, રાધે રાધે, સંગમ-ઇન,  રેસ્ટ એન્ડ રાઇડ, વૃંદાવન રે‌સિડન્સી, સ્વાગત ગેસ્ટ હાઉસ, જય ભવાની-ઇન ગેસ્ટ હાઉસ, સાંઇ પેલેસ-ઇન ગેસ્ટ હાઉસ.

ઉપરાંત સન-વે, રેડ એપલ, સાંઇ, આરામ, ન્યુ ઇસ્ટવેર હોટલ, એપેક્સ, અનુપમ, બેટ-ઇન, ડી-ઇકો‌બિઝી, રાજ ગેસ્ટ હાઉસ, રાજ રે‌સિડન્સી, લેમન, આશીર્વાદ, કેડિલેક ગેસ્ટ હાઉસ, કાવેરી, સ્ટાર-ઇન, મીત પેલેસ, માલવા-ઇન, તુ‌લિપ-ઇન, બાલાજી, ચટાકો, કર્ણાવતી પેલેસ, નટરાજ અને રાધે ગેસ્ટ હાઉસ વિરુદ્ધમાં ગુનો દાખલ કર્યો છે.