અમદાવાદ શહેરમાં સમર ફેસ્ટિવલ 'ધ ગ્રાન્ડ અમદાવાદ કાર્નિવલ 2019'ની ભવ્ય શરૂઆત થઇ ગઇ છે. જો તમે પણ શોપિંગ કરવાના શોખીન છો તો અમદાવાદની આ જગ્યાએ જવાનું ચૂકતા નહીં. અહીં તમને બજેટ પ્રાઈઝથી માંડીને મોંઘામાં મોંઘી વસ્તુઓ મળી જશે. અહીં ઘરવખરીના સામાનથી માંડીને નાસ્તા પણ મળશે. રૂ.50ની વસ્તુઓ પણ છે અહીં અને રૂ 50,000ની પણ છે. આ સમર ફેસ્ટિવલમાં 200 થી વઘુ બ્રાન્ડઝને પ્રદર્શિત કરવામાં આવી છે. ઉપરાંત તેમાં એફએમસીજી અને હોમ એપ્લાયન્સીસ, ફર્નિચર અને ગૃહ સુશોભન, ટ્રાવેલ અને ટૂરિઝમ, એજ્યુકેશન, બેંકિંગ અને લાઇફસ્ટાઇલ સંબંધિત એક્ઝિબિશનનું આયોજન કરવામાં આવ્યું છે. એટલે જો તમે આ ઉનાળામાં શોપિંગ કરવાનું વિચારી રહ્યાં છો તો તમારા માટે આ વન સ્ટોપ ડેસ્ટિનેશન બની રહેશે.