અરેરાટી / અમદાવાદમાં કાર ચાલકે સાયકલ પર જતા પરિવારને અડફેટે લેતા 2 બાળકોના મોત, CCTV કાળજું કંપાવનારા

• અમદાવાદના સિંધુભવન રોડ પર અકસ્માત 
• કારચાલકે પેડલ સાયકલ ચાલક પરિવારને ઉડાવ્યો
• અકસ્માતમાં બે બાળકોના મોત

પ્રાપ્ત થતી જાણકારી પ્રમાણે, સિંધુભવન રોડ પર પેડલ સાયકલ ચલાવીને પેટીયું રળતો પરિવાર રસ્તા પરથી પસાર થઇ રહ્યો હતો ત્યારે પુરપાટ ઝડપે આવતી કારે ટક્કર મારતા પતિ-પત્ની નીચે પટકાયા હતા અને 2 બાળકોને પણ માથાના ભાવમાં ઇજા થઇ હતી.

ટ્રાફિકથી સતત ધમધમતા રહેતા
અમદાવાદમાં સિંધુભવન રોડ પર પૂરપાટ જતી ગાડીએ પેડલ સાયકલને ટક્કર મારતા શ્રમજીવીના 2 બાળકોના કમકમાટીભર્યા મોત નીપજ્યા હતા. આ ઘટનાના CCTV સામે આવ્યા છે જે ખરેખર કાળજું કંપાવનારા છે. @GujaratPolice @AhmedabadPolice #RoadAccident #Ahmedabad pic.twitter.com/tKWlvE5eA7

— VTV Gujarati News and Beyond (@VtvGujarati) December 18, 2020

2 બાળકોના કમકમાટીભર્યા મોત 

જો કે, આ બનાવ બનતા જ આસપાસના લોકો ઘટના સ્થળે દોડી આવ્યા હતા અને કાર ચાલક પણ ઉભો રહી ગયો હતો અને ઘાયલ થયેલાને તાત્કાલિક અસરથી હોસ્પિટલમાં ખસેડવામાં આવ્યા હતા. જો કે, બંન્ને બાળકોને માથાના ભાગે વધુ ઇજા થઇ મૃત્યુ પામ્યા હતા. આ સમગ્ર ઘટનાને લઇને સ્થાનિકો પોલીસ પણ દોડતી થઇ હતી અને કાર ચાલકની ધરપકડ કરી હતી.