અમદાવાદમાં કારની લે-વેચના સોદામાં ઠગાઈની ઘટના પ્રકાસમાં આવી છે. આકાશ પટેલ નામના શખ્સે પોલીસની ઓળખ આપી વેપારી પાસેથી રૂપિયા 12.20 લાખ રૂપિયા પડાવી લીધા હતા.પિતાના નામની કારનો સોદો બારોબાર કરવાનું કહી વેપારી પાસેથી રૂપિયા લઈ આરોપી ફરાર થઈ ગયો હતો. ત્યારબાદ વેપારીએ રૂપિયા માંગતા આરોપીએ હાથ ઊચા કરી દીધા હતા જેને પગલે વેપારીએ આનંદ નગર પોલીસ મથકમાં ફરિયાદ નોંધાવતા પોલીસે કાર્યવાહી હાથ ધરી છે.
વેપારી પાસેથી આરોપીએ રૂપિયા 12.20 લાખ પડાવી લીધા
છેતરપિંડી અંગેના નિત-નવા કિસ્સાઓ સામે આવતા હોય છે ત્યારે અમદાવાદમાં કારના સોદામાં છેતરપિંડીની ઘટના પ્રકાસમાં આવી હતી.આકાશ પટેલ પોતાના પિતાના નામની કારનો બારોબાર સોદો કર્યો હતો. ત્યારબાદ આ આરોપીએ પોલીસની ઓળખ આપી હતી વેપારીને ધમકાવી રૂપિયાની માંગણી કરી હતી. જે પ્રકરણમાં પોલીસના નામે વેપારી પાસેથી આરોપીએ રૂપિયા 12.20 લાખ પડાવી લીધા હતા.આ મામલે કાર લે-વેચના વ્યવસાય સાથે સંકળાયેલ વેપારીએ અમદાવાદના આનંદ નગર પોલીસ સ્ટેશનમાં ફરિયાદ નોંધાવી હતી. જે વેપારીની ફરિયાદના આધારે પોલીસે તપાસનો ધમધમાટ શરૂ કરી આરોપી સુધી પહોંચવા તપાસ હાથ ધરી છે.
વડોદરામાં પણ સસ્તામાં કાર અપાવવાના નામે છેતરપિંડી
તાજેતરમા જ વડોદરામાં સસ્તામાં કાર અપાવી દેવાના નામે છેતરપિંડીનો કિસ્સો સામે આવ્યો હતો. ફતેગંજ પોલીસ મથકમાં નોંધાયેલ વિગત મુજબ શહેરના ન્યૂ સમા રોડ રહેતા અને મોબાઈલ કંપનીમાં સેલ્સમેન તરીકે નોકરી કરતાં દિવ્યેશ પંડ્યાને સાગર પુરોહિતે સાણંદમાં મોટર્સ કંપનીમાં આસિસ્ટન્ટ મેનેજર તરીકે પરિચય આપ્યો હતો અને પોતે ઓળખીતાને સસ્તામાં કાર આપાવતો હોવાનું જણાવી બાટલીમાં ઉતાર્યો હતો. જેને પગલે કાર ખરીદવા સાગર પુરોહિતને 1.61 લાખ આપ્યા હતા, ત્યારબાદ સાગરે ઉડાઉ જવાબો આપી ફોન રિસીવ કર્યો ન હતો. આ જ રીતે ચિરાયુ જોશી સાથે પણ કારના નામે રૂા.1.12 લાખની છેતરપિંડી કરી હતી. કાર અપાવવાના બહાને 1.61 લાખ પડાવી કાર નહીં આપી તે જ પ્રકારે મિત્ર પાસેથી 1.12 લાખ પડાવી છેતરપિંડી આચરી હતી. આ અંગે દિવ્યેશ પંડ્યાની ફરિયાદના આધારે પોલીસે સાગરની ધરપકડ કરી કાર્યવાહી હાથ ધરી હતી.