રાજ્યમાં વાહન અકસ્માતથી મૃત્યુઆંકમાં કોઇ સુધારો નથી થયો. થોડા દિવસ અગાઉ રાજ્ય સરકારે વિધાનસભા ગૃહમાં જાહેર કરેલા આંકડા અનુસાર વર્ષ 2019માં 7409 લોકોએ અકસ્માતમાં જીવ ગુમાવ્યા છે. ત્યારે અમદાવાદમાં આજે બેદરકારી ભર્યા ડ્રાઇવિંગના કારણે કારચાલકે એક્ટિવા ચાલકનો જીવ લીધો છે.
અમદાવાદમાં કાર ચાલકે બાઈક ચાલકને લીધો અડફેટે
અકસ્માતમાં એક્ટિવા ચાલકનું ઘટનાસ્થળે મોત
ઘટનાના CCTV ફૂટેજ આવ્યા સામે
અમદાવાદમાં SG હાઈવે પર રાજપથ ક્લબ નજીક આજે 100થી વધુની સ્પીડમાં આવતી સ્વિફ્ટ કાર ચાલકે એક્ટિવાને ટક્કર મારી હતી. જેમાં એક્ટિવા ચાલકને ગંભીર ઇજા પહોંચતા ઘટનાસ્થળે મોત નિપજ્યું હતું. આ દુર્ઘટનાના CCTV ફૂટેજ પણ સામે આવ્યા છે. વીડિયોમાં ગમખ્વાર અકસ્માતના દ્રશ્યો સામે આવ્યા છે.
આ અકસ્માતમાં એક્ટિવા ચાલક બિઝનેસમેનના દીકરાનું મોત નિપજ્યું છે. 100થી વધીની સ્પીડે આવતી પુરપાટ ઝડપે આવતી સ્વિફ્ટ કારે એક્ટિવાને ટક્કર મારી હતી. આ અકસ્માતમાં કાર ઉછળીને ચાર વાર પલટી મારીને રોંગ સાઇટ પર પટકાઇ હતી. અકસ્માતમાં કાર ચાલકને પણ ગંભીર ઇજા પહોંચી હતી. જેને લઇને તેને સારવાર અર્થે હોસ્પિટલ ખસેડાયો છે. તો ઘટનામાં અન્ય એક વાહનચાલકને પણ અડફેટે લીધો હતો અને તેને પણ ઇજા પહોંચી હતી.
SG હાઇવે ટ્રાફિક પોલીસે અકસ્માત કરનાર કારચાલક વિરૂદ્ધ ફરિયાદ દાખલ કરી આગળની કાર્યવાહી હાથ ધરી છે. તો અકસ્માતે એક્ટિવા ચાલકના મોતને લઇને પરિવારજનોમાં શોકની લાગણી પ્રસરી છે.