BIG NEWS / VIDEO: 50 ફોન કર્યા, 36 કલાકથી કોઈ આવ્યું નથી, લાઇટ નથી, ગાડીઓ ડૂબી: આ આંસુઓનો જવાબ આપો સરકાર

• ભારે વરસાદ આવ્યાને 36 કલાક પછી પણ પાણી યથાવત
• અમદાવાદમાં રવિવારે આવેલા વરસાદથી ભારે નુકશાની  
• 50 ફોન કર્યા, 36 કલાકથી કોઈ આવ્યું નથી, સ્થાનિકોમાં ભારે રોષ 

અમદાવાદમાં ભારે વરસાદને કારણે મોટું નુકશાન થયું છે. આ તરફ શહેરના ધરણીધરના ટેમ્પલ એવન્યુના બેઝમેન્ટમાં પાણી યથાવત જોવા મળી રહ્યા છે. વરસાદ બંધ થયાના 36 કલાક પછી પણ પાણી યથાવત રહ્યું હોવાનું સામે આવ્યું છે. આ તરફ સ્થાનિકોએ આક્ષેપ કર્યો છે કે, 50 ફોન કર્યા પરંતુ 36 કલાકથી કોઈ આવ્યું નથી. ઘરમાં લાઇટ પણ નથી. 

વરસાદ બંધ થયાના 36 કલાક પછી પણ પાણી યથાવત

અમદાવાદના રવિવારે આવેલા ભારે વરસાદ બાદ ઠેર ઠેર વરસાદી પાણી ભરાયા હતા. જોકે વરસાદ બંધ થયાના 36 કલાક પછી પણ પાણી યથાવત જોવા મળી રહ્યું છે. શહેરના ધરણીધરના ટેમ્પલ એવન્યુના બેઝમેન્ટમાં પાણી યથાવત હોવાથી તંત્ર તરફથી મદદ મહી મળતા હવે સ્થાનિકો જાતે જ પાણીનો નિકાલ કરી રહ્યા છે. 

અમદાવાદમાં ભારે વરસાદને કારણે ભારે નુકશાની થઈ છે. ભારે વરસાદ આવ્યાને 36 કલાક પછી પણ પાણી યથાવત જોવા મળી રહ્યું છે. આ તરફ વેજલપુરના શાંતિ સદન કોમ્પલેક્ષમાં દુકાનદારોને ભારે નુકશાન વેઠવાનો વારો આવ્યો છે. નોંધનીય છે કે, વરસાદમાં રોડ બેસી જતા બેઝમેન્ટ તૂટી પડ્યું હતું. દુકાન ચલાવી ગુજરાન કરતા દુકાનદારને લાખોનું નુકસાન થતાં એક મહિલા કેમેરા સામે રડી પડ્યા હતા. મહિલાએ રડતાં રડતાં ચુંટણી વખતે મત લેવા માટે તો દુકાને દુકાને ફરો છો પરંતુ આ નુકશાન અંગે અનેક રજૂઆત કરવા છતાં તંત્રએ કોઈ મદદ ન કરી હોવાનો આક્ષેપ કર્યો છે. 

હવે આવજો વોટ માંગવા...   

વેજલપુરના શાંતિ સદન કોમ્પલેક્ષમાં દુકાનદારોને ભારે નુકશાન વેઠવાનો વારો આવ્યો છે. વરસાદમાં રોડ બેસી જતા બેઝમેન્ટ તૂટી પડ્યા બાદ દુકાન ચલાવી ગુજરાન કરતા દુકાનદારને લાખોનું નુકસાન થતાં એક મહિલા કેમેરા સામે રડી પડ્યા હતા. મહિલાએ રડતાં રડતાં ચુંટણી વખતે મત લેવા માટે તો દુકાને દુકાને ફરો છો પરંતુ આ નુકશાન અંગે અનેક રજૂઆત કરવા છતાં તંત્રએ કોઈ મદદ ન કરી હોવાનો આક્ષેપ કર્યો છે. 

મુખ્ય રસ્તા અને સોસાયટીમાં હજુ પાણી ભરાયા

અમદાવાદ શહેરમાં ગઈકાલે પડેલા ભારે વરસાદ બાદ અનેક વિસ્તારમાં પાણી ભરાયા હતા. ગુજરાત યુનિવર્સિટી પરિસરમાં પાણી ભરાયા હતા. સમરસ ગર્લ્સ હોસ્ટેલ અને ડાયમંડ હોસ્ટેલના રોડ પર 2 ફૂટ સુધીના પાણી ભરાતા વિદ્યાર્થીઓ હોસ્ટેલમાં જ પુરાઈ રહેવા મજબુર બન્યા હતા. નવા રોડ અને ડ્રેનેજ લાઈન તૈયાર કરાઈ હોવા છતાં પાણી ભરાતા લોકોમાં રોષ જોવા મળ્યો હતો.. તો રેડિયો મિર્ચી રોડ ઉપર હજુ સુધી પાણી નથી ઓસર્યા. મુખ્ય રસ્તા ઉપર અને સોસાયટીમાં પાણી ભરાતા લોકોને ભારે મુશ્કેલી ભોગવવાનો વારો આવ્યો છે. તો શહેરના ધરણીધરના બેઝમેન્ટમાં પાણી ભરાતા 10થી વધુ વાહનો ફસાયા છે.તંત્ર મદદે ન આવ્યો હોવાનો સ્થાનિકો આરોપ લગાવ્યો હતો.. દુકાનદારોનો સામાન પલળી જતા લાખો રૂપિયાનું નુકસાન થયાનું અનુમાન છે.તો વાસણામાં દેવાસ એપાર્ટમેન્ટમાં પાણી ભરાતા અનેક ઘરમાં પાણી ઘુસતા પૂર જેવી સ્થિતિ ઉભી થઈ હતી. સોસાયટીમાં પાર્ક કરેલી કાર પણ પાણીમાં ડૂબવા લાગી હતી.

અમદાવાદમાં પ્રિમોન્સૂન પ્લાન ફેલ 

અમદાવાદ શહેરમાં ગઈકાલે રાત્રિ દરમિયાન ખાબકેલા ભારે વરસાદે સ્માર્ટ સિટીની પોલ ખોલી નાખી છે. દર વર્ષની જેમ આ વર્ષે પણ પ્રિમોન્સૂન પ્લાન ફેલ ગયો છે. ભારે વરસાદથી શહેરમાં અનેક વિસ્તારમાં ઠેર ઠેર પાણી ભરાયા હતા જે હજુ સુધી નથી ઓસર્યા. વાસણાના ગુપ્તાનગરમાં પાણી ના ઓસરતા અનેક વાહનો બંધ થઈ રહ્યા છે જેને લઈ લોકો પરેશાન થઈ રહ્યા છે.. આ અંગે સ્થાનિકોએ જણાવ્યું હતું કે અમારા વિસ્તારમાં હજુ સુધી કોઈ કોર્પોરેટર કે કોર્પોરેશનના અધિકારીઓ ફરક્યા નથી તેવો સ્થાનિકોએ આક્ષેપ કર્યો હતો.