સાવધાન / અજાણ્યા ફોન કોલથી ચેતજો, અમદાવાદમાં વેપારીને હની ટ્રેપમાં ફસાવીને પડાવ્યા લાખો રૂપિયા

અમદાવાદમાં વધુ એક વેપારી હની ટ્રેપ ફસાયા
વેપારીને હની ટ્રેપમાં ફસાવીને રૂ 2.50 લાખ પડાવ્યા
ગોમતીપુરનો વેપારી બન્યો શિકાર

મહિલાએ ડ્રેસ સેમ્પલ બતાવવાના બહાને વેપારીને બોલાવ્યો હતો
ગોમતીપુરનો વેપારી મહિલાને મળવા નવરંગપુરા પહોંચ્યો હતો. નકલી પોલીસ બનીને આવેલા મહિલાના સાગરીતોએ રૂ 2.50 લાખ પડાવ્યા છે જેની વેપારીએ નવરંગપુરા પોલીસ સ્ટેશનમાં ફરિયાદ નોંધાવી છે.

શું હતી ઘટના
સોશિયલ મીડિયા થકી મહિલાએ તેનો સંપર્ક સાધ્યો હતો અને બાદમાં કાપડનું સેમ્પલ જોવાના બહાને મહિલાએ આ વેપારીને રિસોર્ટમાં લઈ ગઈ હતી જ્યાં બંને વચ્ચે શારિરિક સંબધો બંધાતા બંધાતા રહી ગયા હતા. રિસોર્ટમાંથી નીકળતી વખતે યુવતીને વોમિટ થતી હોવાનું કહીને ગાડી રોકાવી હતી અને બરોબર એજ વખતે નકલી પોલીસની ગેંગે વેપારી પાસેથી અઢી લાખથી વધુની રકમ પડાવી હતી. વેપારીઓ નકલી પોલીસ સહિત મહિલા સામે નવરંગપુરા પોલીસ સ્ટેશનમાં ફરિયાદ નોંધાવી છે. 

કેવી રીતે કેળવાયો પરિચય
ગોમતીપુરના એક યુવાનને અચાનકથી એક મોબાઈલમાંથી વીડિયો કોલ આવ્યો હતો. એક મહિલાએ જૂનામાંથી ફોન ખરીદ્યો છે જેમાં યુવકનો નંબર મળતા તેને ફોટા મોકલાવ્યા હતા અને પ્રેમ સંબધ બાંધવા લલચાવ્યો હતો. ધીરે ધીરે તેમને ફોસલાવીને મળવા બોલાવી ભેરવી નાંખ્યો હતો.