અમદાવાદ / બે દિકરાની લાશ જોઈ માઁનું હૈયાફાટ રૂદન, પિતાએ કહ્યું ‘હવે અમારૂ કોણ...’

• મૃતક જયેશ રામ બાળ વિકાસ કમિશનરનો PA હતો
• મૃતક નયન રામ તાલાળાની ICIC બેંકમાં સિનિયર ક્લાર્ક હતો
• જેયશની પત્ની અમદાવાદ દાણાલીમડાં પોલીસ સ્ટેશનમાં PSI છે

મોટો ભાઈ નયન રામ અને નાનો ભાઈ જયેશ રામ બંને આજે વહેલી સવારે અમદાવાદના પાંજરાપોળથી પસાર થઈ રહ્યા હતા ત્યારે BRTS નામનો કાળ તેમને ભરખી ગયો હતો. ગીર સોમનાથ જિલ્લાના વેરાવળની પાસેના છાત્રોળાના વતની જયેશ અને નયને હાલ તો જિંદગી શરૂ કરી હતી અને નાની ઉમંરે જ બંનનો જીવન દીપ બુઝાઈ જતા રામ પરિવાર હતભ્રત થઈ ગયો હતો. 

હું કોને કહું મારી વ્યથા?: હિરાભાઈ રામ

જયેશ અને નયનના પિતા હિરાભાઈ રામ વેરાવળ પાસેના છાત્રોળાના છે. પિતા હિરાભાઈ વેરાવળ જિલ્લા કોંગ્રેસના મહામંત્રી છે.  માતા લાખી બેન તો પોતાના સંતાનોના રામ રમેલા જોઈને હોશ કોશ જ ઉડી ગયા હતા.

નયન  ICICI બેંકમાં સિનિયર ક્લાર્ક હતો

મૃતકોમાંથી મોટો ભાઈ નયનભાઈ રામ તાલાલામાં ICICI બેંકમાં સિનિયર ક્લાર્ક હતો તેને સંતાનમાં એક દીકરો પણ છે. નયન અમદાવાદ ICICI બેંકની ટ્રેનિગ માટે આવ્યો હતો. જયેશ નયનને ટ્રેનિંગ માટે મૂકવા જઈ રહ્યો હતો ત્યારે બંને ભાઈ કાળનો કોળિયો બની ગયા હતા.  

જયેશની પત્ની છે PSI

જયેશની પત્ની દક્ષા લખોતરા દાણીલીમડામાં PSI છે. જયેશ સચિવાલયમાં મહિલા અને બાળ વિકાસ મંત્રાલયમાં કમિશનરનો PA તરીકે ફરજ બજાવતો હતો. જયેશ અને દક્ષા દાણીલીમડાના સરકારી ક્વાટર્રમાં રહેતા હતા. બંનેના લગ્નને હજુ દો બે વર્ષ પણ પૂરા નહતા થયા અને જયેશના આક્સિક મોતને કારણે દક્ષાને માથે આભ તુટી પડ્યુ છે.