વહેલી સવારે ધરણીધર દેરાસર પાસેથી બે મહિલાઓ બાળકોને શાળાએ મૂકવા જઈ રહી હતી ત્યારે BRTS બસે તેમને ટક્કર મારી હતી જેમાં એક મહિલાને ગંભીર ઈજાઓ પહોંચી હતી. આ કારણે રોષે ભરાયેલ લોકોએ ડ્રાઈવરને કોર્ડન કરીને બાનમાં લેતા હોબાળો મચી ગયો હતો અને તેના બચાવમાં બીજા BRTS બસના ડ્રાઈવર બસને કોરીડોરમાં મૂકીને જ ભાગી ગયા હતા.
વહેલી સવારે ધરણીધર દેરાસર પાસેથી બે મહિલાઓ બાળકોને શાળાએ મૂકવા જઈ રહી હતી ત્યારે BRTS બસે તેમને ટક્કર મારી હતી જેમાં એક મહિલાને ગંભીર ઈજાઓ પહોંચી હતી. ઈજાગ્રસ્ત મહિલાને સારવાર માટે હોસ્પિટલ ખસેડવામાં આવી હતી. BRTS ચાલકની પાલડી પોલીસે કરી અટકાયત કરી હતી જેને પગલે બાકીના ડ્ર્રાઈવરો હડતાલ પર ઉતર્યા હતા. અંદાજિત 35 જેટલી BRTS બસના પૈડાં થંભી જવાને કારણે મુસાફરોને હાલાકી ભોગવવી પડી હતી. BRTS રુટ મેનેજરે આવીને આખો મામલો થાળે પાડવા પ્રયાસ કર્યો હતો. 2 કલાકની માથાકૂટ બાદ BRTS બસ ફરીથી કાર્યાન્વીંત થઈ હતી.
ચાલુ બસ રોકીને મુસાફરોને ઉતારી દીધા
BRTS બસ અને મહિલાના અકસ્માત બાદ ટોળાએ બસ ચાલકોનો વિરોધ કર્યો હતો જેના બચાવમાં BRTS બસના અન્ય ડ્રાઈવરો મુસાફરોને અધવચ્ચે ઉતારી મૂક્યા હતા અને પોતે પણ ભાગ્યા. 35 બસ ડ્રાઈરોએ અકસ્માત કરનાર ડ્રાઈવરની અટકાયત બાદ હડતાલ પર ઉતર્યા હતા.
પોલીસ તુરંત જ આવી પહોંચી ઘટના સ્થળે
આ ઘટનાની જાણ થતાંની સાથે જ પોલીસ ઘટના સ્થળે આવી પહોંચી હતી પરંતુ મુસાફરોને BRTS બસન મળતા હાલાકી ભોગવવી પડી હતી. એટલુ જ નહીં પરંતુ શાળા કોલેજ અને ઓફિસે જવાના સમયે આવી ઘટના ઘટવાને કારણે કાયમી મુસાફરોને ઘણી હાલાકી ભોગવવી પડી હતી.
કોઈ નિચ્છનીય ઘટના બની નથી.
બે બહેનો બાળકોને શાળા મૂકવા જતી હતી ત્યારે BRTS બસે તેમને ટક્કર મારી અને આ અકસ્માતને કારણે લોકો બસચાલક ઉપર રોષે ભરાયા હતા જેને કારણે બીજી BRTS બસના ડ્રાઈવરો બીકના માર્યા બસ મૂકીને ભાગી ગયા હતા જેને કારણે ટ્રાફીક જામ થયો હતો. જો કે, હાલ પરિસ્થિતિ કંટ્રોલમાં છે એક પછી એક ડ્રાઈવર આવી રહ્યા છે અને બસો કોરિડોરમાંથી હટી રહી છે. - પોલીસ અધિકારી