શહેરના બોપલ વિસ્તારમાં કેટલાક રહીશોએ મહિલા પ્રોફેસરની કપડાં ફાડીને તેમની કમર પકડીને ઘસેડીને લાજ લૂંટવાનો પ્રયાસ કરી જાનથી મારી નાખવાની ધમકી આપી હોવાની ચોંકાવનારી ઘટના પ્રકાશમાં આવી છે.
બોપલની સોસાયટીમાં બની શરમજનક ઘટના
દારૂ પીતા સોસાયટીના સભ્યોને ટોકતા હુમલો કર્યો
મહિલાએ નોંધાવી ફરિયાદ
બોપલ વિસ્તારમાં રહેતા અને એક કોલજેમાં મહિલા પ્રોફેસર તરીકે ફરજ બજાવે છે તેમને બોપલ પોલીસ સ્ટેશનમાં છ લોકો વિરુદ્ધમાં ફરિયાદ કરી છે. મહિલા પ્રોફેસરે ફરિયાદમાં કરેલા આક્ષેપ મુજબ મહિલા પ્રોફેસર સોસાયટીમાં છેલ્લા એક વર્ષથી ચેરમેન છે.
વ્હોટસએપ ગ્રૂપમાં મેસેજ આવ્યો અને ચેરમેન થયાં દોડતા
જેમના સોસાયટીના સભ્યોનું એક વ્હોટસએપ ગ્રૂપ છે. જે ગ્રૂપમાં સોસાયટીને લગતા મેસેજ કરવામાં આવે છે. ૨૮મી મેના દિવસે રાત્રીના ૧૨ વાગ્યાની આસપાસ ગ્રૂપમાં એક મેસેજ આવ્યો હતો કે સોસાયટીના કૉમ્યુનિટી હોલમાં દારૂની મહેફીલ ચાલી રહી છે. જેથી મહિલા પ્રોફેસર સોસાયટીની સિક્યુરિટી સાથે ત્યાં પહોંચ્યા હતા.
સોસાયટીના ચેરમેનને આપી સભ્યોએ આપી ધમકી
તો સોસાયટીના લોકોના ટોળા ત્યાં જોવા મળ્યા હતા. જેથી તેમને અહી એકઠા થયેલા લોકોને સોસિયલ ડિસ્ટન્સ જાળવવા માટે કહ્યું હતું. અને લોકોને ઘરે જવા માટે કહ્યું હતું. જો કે મહિલા પ્રોફેસરનો આરોપ છે કે, આ દરમિયાન સોસાયટીના છ જેટલા સભ્યો ઉશ્કેરાઈ ગયા અને તેમને ધમકી આપી હતી કે તમે હિન્દી છો, છતાં સોસાયટીનો વહીવટ કરો છો. રાજીનામું આપી દો નહિતર તમને જીવવા નહિ દઈએ. તેમ કહી ને જાનથી મારી નાખવાની ધમકી આપી હતી જો કે પ્રોફેસરેએ આમ ના કરવાનું કહેતા ધવલ નામનો યુવક ઉશ્કેરાઈ ગયો હતો અને મહિલાના છાતી પર હાથ માર્યો હતો. એટલું જ નહિ જયપાલસિંહ નામના યુવકે એ તેમના કપડા ખેંચીને ફાડી નાખ્યા હતા.
મહિલાએ નોંધાવી ફરિયાદ
જ્યારે ભાવેશએ તેમની કમર પકડી તેમને ઘસેડ્યા હતા. આ સમયે મહિલાએ કોઈ ફરિયાદ કરી ના હતી. પરંતુ બાદમાં જયપાલસિંહ નામના વ્યક્તિઅ તેમને ફોન કરી ડરાવ્યા હતા. જેથી મહિલાએ બોપલ પોલીસ સ્ટેશનમાં ધવલ રાઠોડ, જયપાલસિંહ સોલંકી, ભાવેશ પટેલ, હિતેશ સરવૈયા, કલ્પેશ થાનકી અને ચિરંજીવી વિરુદ્ધમાં ફરિયાદ નોંધાવતા પોલીસએ આ સમગ્ર મામલે ફરિયાદ નોંધીને વધુ તપાસ શરૂ કરી છે.