કોરોના સંકટ / અમદાવાદની બોપલ વિસ્તારની એક જ સોસાયટીમાં 80થી વધુને કોરોના, જો એક જ પરિવારના દર્દી હશે તો...

• અમદાવાદમાં વધતું જતું કોરોનાનું સંક્રમણ
• અમદાવાદના બોપલ વિસ્તારમાં અનેક લોકો કોરોના ટેસ્ટ માટે 
• સફલ પરીસરમાં અત્યાર સુધીમાં કુલ 100થી વધુ કોરોનાના કેસ

અમદાવાદના બોપલ-ઘૂમા વિસ્તારમાં કોરોના સંક્ર્મણ વધ્યું છે. બોપલના સફલ પરિસર 1માં વધુ 42 પોઝિટિવ કેસ નોંધાયા છે. સફલ પરીસર 2માં હાલ 38 પોઝીટીવ દર્દી છે. હજુ 10 જેટલા RT-PCR ટેસ્ટના પરિણામ આવવાના બાકી છે. સફલ પરીસરમાં અત્યાર સુધી કુલ 80થી વધારે કેસ નોંધાયા છે. ત્યારે હજુ કોરોના દર્દીઓનો કુલ આંકડો 100ને પાર પહોંચે તેવી શક્યતાઓ છે.

સફલ પરીસરના બન્ને બિલ્ડિંગ સિલ કરવામાં આવ્યા

મળતી માહિતી અનુસાર અમદાવાદ મ્યુનિસિપલ કોર્પોરેશનની ટીમ દ્વારા સફલ પરીસરના બન્ને બિલ્ડિંગ સિલ કરવામાં આવ્યા છે. બન્ને બિલ્ડિંગને કન્ટેનમેન્ટ ઝોન જાહેર કરવામાં આવ્યા છે. જોકે હવે પરિવારમાંથી એક કેસ નહી પરંતુ આખા પરિવાર પોઝિટિવ આવે છે. કોરોનાનું આ લક્ષણ ખુબ જ ચિંતાજનક છે. આ સેકન્ટ વેવની નિશાની છે. 

એક જ પરિવારના સંક્રમિત દર્દીઓને એક જ હોસ્પિટલમાં રખાશે

અમદાવાદ મહાપાલિકાએ મહત્વનો નિર્ણય લીધો છે. એક જ પરિવારના સંક્રમિત દર્દીઓને એક જ હોસ્પિટલમાં રખાશે. ઈમરજન્સી સેવા 108ને AMC દ્વારા આદેશ કરવામાં આવ્યો. પરિવારને અલગ અલગ હોસ્પિટલમાં દાખલ કરાતા પરેશાની થતી હતી. જો કોઈ દર્દીઓને એક જ હોસ્પિટલમાં દાખલ ન કરે તો AMCનો સંપર્ક કરવા સૂચના અપાઇ છે.