સટોડિયો / અમદાવાદ: IND V/S WIની મેચમાં લાઈવ સટ્ટો રમાડતો બુકી ઝડપાયો, આ કીમિયો વાપરી સ્ટેડિયમમાં લીધી હતી એન્ટ્રી

• અમદાવાદમાં ચાલી રહેલી મેચમાં લાઈવ સટ્ટો
• મોદી સ્ટેડિયમાં સટ્ટો રમાડતો બુકી ઝડપાયો
• મીડિયાના નામે બોગસ કાર્ડ બનાવીને એન્ટ્રી લીધી હતી

અમદાવાદના નરેન્દ્ર મોદી સ્ટેડિયમમાં  ભારત અને મહેમાન ટીમ વેસ્ટ ઈન્ડીઝ વચ્ચે મેચના ત્રણ મેચના આયોજન થયા છે. જેમાં  3 વન ડેની શ્રેણીમાં ટીમ ઈન્ડિયા હવે 2-0થી આગળ છે અને શ્રેણી જીતી ચૂકી છે. ત્યારે ચાલુ મેચમાં સટ્ટો રમાડવા મામલે પોલીસને મોટી સફળતા હાથ લાગી છે. સ્ટેડિયમમાં બેસી લાઈવ મેચમાં રમાડતા બુકીઓને ઝડપી પાડવામાં આવ્યા છે. 

મીડિયા અને GCCIનું બોગસ કાર્ડ મેળવી લાઈવ સટ્ટો રમાડ્યો
અમદાવાદના નરેન્દ્ર મોદી સ્ટેડિયમમાં સટ્ટો રમતો બુકી ઝડપાયો છે તેણે સ્ટેડિયમમાં એન્ટ્રી લેવા મીડિયા અને GCCIનું બોગસ કાર્ડ મેળવ્યું હતુ. વેસ્ટઇન્ડિઝ અને ભારતની ટીમ વચ્ચે રમાતી મેચમાં સટ્ટો રમાડ્યો હતો. મહત્વનું છે કે લાઈવ મેચમાં બાજી પાડવા  રાજસ્થાનના જયપુરથી આરોપી આવ્યો હતો. છેલ્લા પાંચ દિવસથી એક હોટલમાં રોકાયા હતા જએ બાદ ખોટા કાર્ડ બનાવી સ્ટેડિયમ બેસી લાઈવ સટ્ટો રમાડતો હતો.ચાંદખેડા પોલીસે રાજસ્થાનના મોહિતસિંઘ નામના શખ્સ સામે નોંધ્યો ગુનો છે પણ બુકી મોહિતસિંઘ સાથેનો અન્ય એક આરોપી ફરાર થયો છે. અગાઉ પણ નરેન્દ્ર મોદી સ્ટેડિયમમાં સટ્ટો રમતા શખ્સો ઝડપાયા હતા

પહેલી મેચમાં પણ સટ્ટો રમાડતો એક સાગરીત ઝડપાયો હતો
મોટેરા ખાતેના નરેન્દ્ર મોદી સ્ટેડિયમમાં રવિવારે રમાયેલી ભારત અને વેસ્ટ ઈન્ડીઝ વચ્ચેની પહેલી વન ડે મેચ ઉપર સ્ટેડિયમની મીડિયા ગેલેરીમાં બેસીને મોબાઈલ ફોનથી સટ્ટો રમાડતો બુકી પકડાયો હતો. આ બુકીએ સ્ટેડિયમમાં જગ્યા બનાવી ચાલુ મેચે સટ્ટો રમાડવા  માટે 6 દિવસ પહેલા જ સ્ટેડિયમમાં હાઉસ કીપિંગનો કોન્ટ્રાક્ટ ધરાવતી કંપનીમાં નોકરી મેળવી હતી.તે એક એપ્લિકેશન પર સટ્ટો રમાડતો હતો. પૂણેનો રહેવાશી સૂરજ ધૂમાળનો મોબાઈલ જપ્ત કરી પોલીસે વધુ પૂછપરછ હાથ ધરી છે.

IPLમાં 2 બુકી સ્ટેડિયમમાંથી પકડાયા હતા
આઈપીએલની સિરિઝ દરમિયાન પણ આ સ્ટેડિયમમાં 2 આરોપીઓ સટ્ટો રમાડતા રંગેહાથ ઝડપાયા હતા. તે બંને માણસોને PSI મૂકી જતો હોવાનો પણ ઘટસ્ફોટ થયો હતો. બનાવ બાદ પૂછપરછના આધારે પીએસઆઈની પણ ધરપકડ કરવામાં આવી હતી.