અમદાવાદ / જજીસ બંગલો રોડ પર મહિલાએ બેધ્યાનપણે ડ્રાઇવિંગ કરી કાર સ્કૂલબસ સાથે અથડાવી

આજે સવારે ઉદ્ગમ સ્કૂલની બસ વિદ્યાર્થીઓને લઈને સ્કૂલ જઈ રહી હતી ત્યારે માનસી સર્કલ રોડ પાસે આવેલ પ્રેમચંદનગર સર્કલ પાસે અકસ્માત નડ્યો હતો. પ્રેમચંદનગર સર્કલ પાસે સ્કૂલ બસ વળાંક લઇ રહી હતી. ત્યારે જ એક સ્વિફટ કાર ફૂલ જ સ્પીડમાં આવી હતી અને વળાંકમાં જ કાર બસ બસ સાથે અથડાઈ હતી.

કાર સ્કૂલ બસને અથડાઈને ત્યાં જ અટકી ગઈ હતી.અને ગભરાઈ ગયેલા બાળકોએ ચિચિયારી મચાવી હતી.કારના બોનેટના ભાગે અને બસના દરવાજા પાસેં નુકશાન થયું હતું વિદ્યાર્થીઓને અન્ય બસમાં સ્કૂલે લઇ જવાયા હતા.

ઉદ્ગમ સ્કૂલ બસના ડ્રાઇવરે આ અંગે જણાવ્યું હતું કે બસમાં ૨૮ વિદ્યાર્થીઓ સ્કૂલે જઈ રહ્યા હતા. તે બસ વળાંક લઇ રહી હતી ત્યારે જ ઝડપથી આવતી કારે ટક્કર મારી હતી. કદાચ એ મહિલા ફોનમાં વ્યસ્ત હશે કે પછી તેનો પગ બ્રેકની જગ્યાએ એક્સેલેટર પર પડી ગયો હોવો જોઇએ.

જેના કારણે બસને ટક્કર વાગી હતી. ત્યારબાદ આસપાસના લોકો એકદમ દોડી આવ્યા હતા અને બસમાં રહેલાં બાળકોને અન્ય બસમાં લઇ જવા મદદ કરી હતી. તે સમયે  કાર ચાલક મહિલા અકસ્માત બાદ ઊભી હતી પરંતુ થોડા સમય પછી તેમના પરિવારમાંથી કોઇ વ્યક્તિ આવી હતી અને તેની કારમાં તે મહિલા જતી રહી.

જોકે આ અકસ્માતમાં વિદ્યાર્થી કે કાર ચાલક મહિલાને પણ આ બનાવને પગલે કોઈ ઇજા થઇ ન હતી. પોલીસની ટીમ પહોંચી ગઇ હતી  પરંતુ આ મામલે આ લખાય છે ત્યાં સુધીમાં  કોઈ ફરિયાદ થઈ નથી.  જ્યારે ગઈ કાલે  સતાધાર ચાર રસ્તા પાસે બીઆરટીએસ કોરિડોરમાં પુરઝડપે પસાર થતી એએમટીએસ બસના ચાલકે એક્ટિવાચાલકને ટક્કર મારતાં અકસ્માત સર્જાયો હતો.

આ અકસ્માતમાં ઘવાયેલા યુવકને સારવાર અર્થે સિવિલ હોસ્પિટલમાં ખસેડવામાં આવ્યો હતો.  અકસ્માતમાં બાઇકચાલક રોન્ગ સાઈડમાં જઈ રહ્યો હતો અને હેલ્મેટ પહેરી ન હતી. જેથી એક્ટિવાચાલક ટ્રાફિકના કારણે બીઆરટીએેસ કોરિડોરમાંથી પસાર થઇ રહ્યો હતું. તે દરમિયાનમાં અચાનક સામેથી આવેલી એએમટીબસ સાથે અથડાયો હતો અને એકિટવાચાલકને ગંભીર ઇજા પહોંચતાં સારવાર અર્થે નજીકની હોસ્પિટલમાં ખસેડાયો છે.