આંદોલનનો અંત / અમદાવાદ: આખરે બીજે મેડિકલના વિદ્યાર્થીઓની માંગ સ્વીકારાઈ, મોડી રાત્રે સમેટાયું આંદોલન

• બી.જે.મેડિકલના વિદ્યાર્થીઓની હડતાળનો અંત
• બે માગ સ્વીકારાતા આંદોલનનો અંત
• જર્જરિત હોસ્ટેલને લઈને હતું આંદોલન

અમદાવાદમાં બીજે મેડિકલ કોલેજના આંદોલનનો અંત આવ્યો હતો, મોડી રાત્રે સરકારે વિદ્યાર્થીઓને માંગ સ્વીકારાતા વિદ્યાર્થીઓનું આંદોલન સમેટાયું હતું, જર્જરિત હોસ્ટેલ મુદ્દે સરકારે નમતું જોખી, વિદ્યાર્થીઓને અન્ય બ્લોકમાં ટ્રાન્સફર કરવાનો નિર્ણય સરકારે લીધો છે. સાથે જ આ હોસ્ટેલનો ખર્ચ પણ ઉપાડશે તેવું જણાવાયું છે. 

બી.જે.મેડિકલના વિદ્યાર્થીઓની હડતાળનો અંત

બી.જે.મેડિકલ કોલેજના વિદ્યાર્થીઓનું હોસ્ટેલ મુદ્દે શરૂ થયેલુ આંદોલન અંતે આજે મોડી રાત્રે સમેટાઈ ગયું, બીજે મેડિકલ કોલેજના વિદ્યાર્થીઓ હોસ્ટેલની જર્જરિત હાલતને જોતા આંદોલન પણ ઉતરી આવ્યા હતા, વિદ્યાર્થિનીઓ માટેની સી બ્લોકમાં આવેલી ગર્લ્સ હોસ્ટેલ વર્ષો જુની અને જર્જરીત હાલતમાં હોવાથી હોસ્ટેલમાં રહેવાનો વિદ્યાર્થીઓને ડર લાગતો હતો. જે બાદ અનેક રજૂઆતો બાદ પણ કોલેજ કેમ્પરમાં શિફ્ટ ન કરવામાં આવતા વિદ્યાર્થીઓએ આંદોલનનો રસ્તો અપનાવ્યો હતો, મેડિકલના વિદ્યાર્થીઓએ હોસ્ટેલનો ત્યાગ કરી દીધો હતો અને સામાન લઈને કેમ્પસમાં જ રહેવા માટે આવી ગયા હતા.વિદ્યાર્થિનીઓમાં આક્રોષ એટલો છે કે, રાત તો ખુલ્લા કેમ્પસમાં વિતાવી જ.. પરંતુ સિવિધા નહીં મળે  ત્યાં સુધી કેમ્પસમાં રહેશે તેવી ચીમકી ઉચ્ચારી છે.. 

જર્જરિત હોસ્ટેલને લઈને હતું આંદોલન

બીજે મેડિકલ કોલેજના વિદ્યાર્થીઓના આંદોલનને પગલે રેસિડેન્ટ ડોક્ટરોએ પણ એમબીબીએસના વિદ્યાર્થીઓના સપોર્ટમાં જોડાઈને બે દિવસમાં હડતાળ પર ઉતરવાની ચીમકી હતી જે સરકારના અધિકારીઓ મોડી રાત્રે બી.જે.મેડિકલ કોલેજ કેમ્પસ દોડી આવ્યા હતા અને મેડિકલમાં ભણતા છોકરાઓ અને છોકરીઓને વૈકલ્પિક વ્યવસ્થા રીતે અન્ય જગ્યાએ હોસ્ટેલો ફાળવવામા આવી હતી. હોસ્ટેલ મુદ્દે વિદ્યાર્થીઓએ શિક્ષણથી અળગા રહીને પણ વિરોધ નોંધાવ્યો હતો. હાલ તો આંદોલન સમેટાઈ ગયું છે વિદ્યાર્થીઓના આંદોલન બાદ સરકાર દ્વારા વિદ્યાર્થિનીઓને સિવિલ હોસ્પિટલ કેમ્પસ નજીક આવેલી  પ્રાઈવેટ હોસ્ટેલ ફાળવવામા આવી છે અને સરકાર દ્વારા આ હોસ્ટેલનો ખર્ચ ઉપાડવામા આવશે.