અમદાવાદના બાપુનગર વિસ્તારમાં શ્યામ શિખર કોમ્પલેક્ષમાં ભયંકર આગનો બનાવ બન્યો. આ આગની ઝપેટમાં 20 જેટલી મોબાઇલની દુકાનોમાં ભીષણ આગ લાગી જતા અફરાતફરીનો માહોલ જોવા મળ્યો હતો. જો કે સદ્દનસીબે મોટી જાનહાની ટળી છે.
અમદાવાદના બાપુનગરમાં આગની ઘટના
શ્યામ શિખર કોમ્પ્લેક્ષમાં લાગી ભયંકર આગ
10 જેટલી મોબાઈલની દુકાનોમાં ભીષણ આગ
આગને પગલે અફરાતફરી નો માહોલ
બાપુનગર ખાતે આવેલા શ્યામ શિખર કોમ્પલેક્ષમાં ચાની કીટલીમાં ગેસનો બાટલો ફાટતા આગ લાગી હોવાની વિગત બહાર આવી છે. આ આગની ઝપેટમાં અંદાજે 20 જેટલી દુકાનો આવી ગઇ છે. આ કોમ્પલેક્ષમાં દુકાનોની ઉપર રહેણાંક વિસ્તાર પણ છે. જો કે સદ્દનસીબે મોટી જાનહાની ટળી છે.
જો કે VTV Newsના રિયાલટી ચેકમાં દુકાનદારોની લાલિયાવાડી સામે આવી છે. ફાયર સેફ્ટીના માર્ગો પર દુકાનોનું બાંધકામ જોવા મળ્યું છે. જ્યારે ગેરકાયદે બાંધકામને લીધે ફાયર સેફ્ટીના સાધનોનો ઉપયોગ મુશ્કેલ બન્યો છે. ફાયર સેફ્ટીના સાધનો પાસે બાંધકામ કરીને તાળા મારેલા જોવા મળ્યાં.
પ્રાપ્ત મળતી વિગત અનુસાર શહેરના બાપુનગર વિસ્તારમાં આવેલા શ્યામ શિખર કોમ્પલેક્ષમાં ભયંકકર આગનો બનાવ બન્યો છે. આ દૂર્ઘટનામાં 10 જેટલી મોબાઇલની દુકાન આગની ઝપેટમાં આવી છે.
બાપુનગરના શ્યામ શિખર કોમ્પલેક્ષમાં આગ લાગી હોવાની જાણ થતાં ફાયર બ્રિગેડની 5 ગાડીઓ ઘટનાસ્થળે પહોંચી છે. આગ બુઝાવાને લઇને કાર્યવાહી કરવામાં આવી રહી છે. જો કે આગના પગલે અફરાતફરીનો માહોલ જોવા મળ્યો.