કોરોના અને લોકડાઉનની અસરના કારણે અનેક સોસાયટીમાં રહીશોને મુશ્કેલી પડી રહી છે. જેમકે શાક અને દૂધની તકલીફ પડવી. આ સમયે વેજલપુરની બકેરી સીટીમાં અનોખી પહેલ કરવામાં આવી છે. બકેરી સીટીના સુપ્રભમાં રહીશોની સુવિધા માટે સોસાયટીમાં જ શાકની લારીઓ બોલાવવામાં આવે છે. ગેટ પાસે આવીને લોકો સરળતાથી શાક લઈ શકે છે. આ સાથે જ દૂધ માટે પણ વ્યવસ્થા કરવામાં આવી છે. જેથી લૉકડાઉન વચ્ચે પણ રહીશો સરળતાથી રહી શકે.
અમદાવાદની બકેરી સોસાયટીમાં કરાયો નવતર પ્રયોગ
ભીડ નાબૂદ કરવા કરાયો અનોખો પ્રયત્ન
શાકભાજીની લારીઓ સોસાયટીમાં બોલવવામાં આવી
સોસાયટીના રહીશોની ચિંતા
કોરોનાના કહેર વચ્ચે અમદાવાદની આ સોસાયટીના લોકોએ મેમ્બર્સનો વિચાર કરીને આ નવી સુવિધા શરૂ કરી છે. મેમ્બર્સે આ વિચારને આવકાર્યો છે અને સાથે તેઓ દિવસ દરમિયાન અહીંથી પોતાની જીવનજરૂરી ચીજો ખરીદી શકે છે. શાકભાજી વેચવા આવનારા પણ માસ્ક પહેરીને શાક વેચે છે જેથી તેઓ કોરોનાથી બચી શકે.
રહીશો આ રીતે કરી રહ્યા છે ચીજવસ્તુઓની વ્યવસ્થા
રહીશો સોસાયટીમાં આવેલા શાકવાળા પાસેથી થેલી દ્વારા શાકભાજી ખરીદી રહ્યા છે. સોસાયટીમાં કોરોનાના કેસ ન બને તે માટે આ વ્યવસ્થા કરવામાં આવી છે. શાકભાજી માટે લારી પર ભીડ થાય તો કોરોના ઝડપથી ફેલાય આ બાબતને રોકવા માટે આ પ્રયોગ કરાયો છે.
સોસાયટીના ગેટ પર છે આ વ્યવસ્થા
સોસાયટીના કોઈ પણ રહીશો જ્યારે બહારથી સોસાયટીમાં આવે છે ત્યારે તેમને માટે હેન્ડ સેનિટાઈઝરની વ્યવસ્થા સિક્યોરિટી ગેટ પર કરવામાં આવી છે. જેના કારણે રહીશોને સેફ રાખી શકાય. આ સિવાય પણ રહીશો ચીજવસ્તુઓ લેવા નીચે ઉતરવાના બદલે થેલી લટકાવીને કામ ચલાવી રહ્યા છે જેથી અન્ય લોકોના સંપર્કમાં આવવાથી બચી શકાય.