મજબૂરી / અમદાવાદ: ન્યુ રાણીપમાં યુવતીનો આપઘાતનો પ્રયાસ, સુસાઈડ નોટમાં જે કારણ લખ્યું હતું તે જાણીને હચમચી જશો

• અમદાવાદમાં ન્યુ રાણીપ યુવતીએ આપઘાતનો કર્યો પ્રયાસ
• ઝેરી દવા પીને આત્મા હત્યાનો કર્યો પ્રયાસ
• 3 શખ્સો યુવતીને ધમકી આપતા હોવાનો આક્ષેપ

અમદાવાદના ન્યુરાણીપમાં એક યુવતીએ આપઘાતનો પ્રયાસ કરતા ચકચાર મચી છે. ઝેરી દવા પીને આત્મહત્યાનો પ્રયાસ કર્યો હતો. અને સ્યુસાઇડ નોટમાં  ઉલ્લેખ કર્યો છે કે 
3 શખ્સો ફોટો વાયરલ કરવાની ધમકી આપી રહ્યા છે. નામ જોગ સુસાઈટ નોટમાં સમગ્ર ઘટનાનો ગાડી નબર સાથે ઉલ્લેખ કર્યો છે. પોલીસ સામે પણ આપેક્ષ કર્યા છે કે તેની ફરિયાદ છતાંય કોઈ કાર્યવાહી કરવામાં આવી નથી. જો ઘટના પર નજર કરીએ તો આપઘાતનો પ્રયાસ કરેલ યુવતી ન્યુ રાણીપમાં ભાડાના મકાનમાં એકલી રહે છે તેને  જલાભાઈ કરશનભાઇ નાડોદા સામે ફરિયાદ દાખલ કરી હતી અને કાર્યવાહીના ભાગ રૂપે આરોપી જેલ છે જે બાદ તેના 3 મિત્રો જલાભાઈએ આપેલ વીડિયો વાયરલ કરવાની ધમકી આપી યુવતીની વારંવાર હેરાન પરેશાન કરી રહ્યાં હતા અને કેસ પાછો ખેંચવા એસિડ નાખવા સુધીની ધમકી આપી રહ્યા હતા જે બાદ યુવતીએ આરોપીઑ વિરુદ્ધ ફરિયાદ દાખલ કરી હતી પણ કોઈ કાર્યવાહી ન થતાં કંટાળી યુવતીએ આ પગલું ભર્યું હોવાનો ખુલાસો કર્યો હતો.

યુવતીએ સુસાઈડ નોટમાં શું લખ્યું હતું?
હું ********* (નામ) આત્મહત્યા કરવા જવું છું. મારી આત્મહત્યા માટે આ ત્રણ લોકો જવાબદાર છે
1) સંજયભાઇ પંચાલ ( હરેકૃષ્ણ સોસાયટી ચાંદલોડિયા)
2)વિજયભાઈ પંચાલ (અંબિકાનગર સોસાયટી વાઘેશ્વરી)
3)રમેશભાઈ પંચાલ (ભૂવાજી) (શિલ્પન સોસાયટી ચાંદલોડિયા)
આ ત્રણેય લોકો મને ખૂબ જ હેરાન કરે છે. અને મને મારી નાખવાની ધમકી આપે છે. મારે ઘરની બહાર જવું જોખમ બની ગયું છે. મને આ લોકો ફરિયાદી પાછી ખેંચવા પણ મજબૂર કરે છે મી તારીખ 23/8/2021 રોજ ગુનો દાખલ કરે છે. ત્યારથી  જલાભાઈ કરશનભાઇ નાડોદા જેલમાં છે. પણ તેના અંગત મિત્રો મારી જોડે ગુનો પાછો ખેંચવા માટે અવાર નવાર જ્યાં જવું ત્યાં આવીને એકલતાનો ફાયદો ઉઠાવી મને હેરાન કરે છે. એક બે વખત ગાડી લઈને પણ આવ્યા હતા. જેનો નંબર 1440 વ્હાઈટ આઈ 20 છે. આ કાળા કાચ વાળી ગાડીમાં મને જબરદસ્તી બેસાડી હતી. અને કહ્યું હતું કે તને ઉઠાવવા આવ્યા છીએ તું ગુનો પાછો ખેચી લે જલાભાઈએ મને વીડિયો આપેલ છે.  તે વાયરલ કરી દેશું. અને તને ક્યાંયનિય નહીં રાખીયે. બીજી વખત આવ્યા ત્યારે 3157 ક્રેટા ગાડી લઈને આવ્યા હતા એસિડ જોડે હતું. અને મને ઉપર નાખવાની ધમકી આપી હું જેમ તેમ કરી જીવ બચાવી ઘેર આવી ગઈ. સંજય પંચાલ મને વારંવાર શરીર સુખની વાત કરે છે. વીડિયોથી બ્લેકમેઈલ કરે છે. તે આ લોકોથી હું ખૂબ જ કંટાળી ગઈ છું એટલે હું આ પગલું ભરું છું. આ લોકો વિરુદ્ધ મી આગળ અરજી કરેલ ચે જેની તારીખ 16/9/2021 રોજ આ અરજીની કોઈ કાર્યવાહી કરી નથી હું કંટાળીને મજબૂરીમાં આત્મહત્યા કરું છું. અને હું એકલી રહું છું ભાડાના મકાનમાં..ન્યુરાણીપમાં

પોલીસે ગુનો નોંધી તપાસ તેજ કરી
ઝેરી દવા પી યુવતીએ આપઘાતનો પ્રયાસ કર્યો હતો. જે બાદ તેને ખાનગી હોસ્પિટલમાં સારવાર હેઠળ રાખવામાં આવી છે સમગ્ર ઘટનામાં રાણીપ પોલીસે ગુનો નોંધી તપાસનો ધમધમાટ શરૂ કર્યો છે પણ સવાલ એ છે કે કેમ યુવતીની આગળની ફરીયાદ પર પોલીસે કોઈ કાર્યવાહી ન કરી અને કેમ આરોપીને યુવતીને હેરાન કરતાં રોકવામાં ન આવ્યા તે મોટો સવાલ છે.

પીડિત યુવતીના આક્ષેપો શું?

• ન્યુરાણીપ ભાડાના મકાનમાં એકલી રહેતી યુવતીનો આપઘાતનો પ્રયાસ
• યુવતીએ સ્યુસાઈડ નોટ લખી ત્રણ શખ્સો સામે કર્યા ગંભીર આક્ષેપ
• અગાઉ એક શખ્સ સામે કરેલી ફરિયાદ પરત લેવા યુવતીને વારંવાર દબાણ
• આરોપીઓ પર અપશબ્દો બોલી યુવતીને પરેશાન કરતા હોવાનો આક્ષેપ
• યુવતીને જાનથી મારી નાખવાની ધમકી આપવાનો પણ આક્ષેપ
• યુવતીના બે વાર અપહરણ કરવાના પ્રયાસનો પણ આરોપીઓ પર આક્ષેપ
• યુવતી પર એસિડ ફેકવાની ધમકી આપી હોવાનો આક્ષેપ
• યુવતી સાથે શરીરસુખ માણવાની માગ કરવાનો પણ આક્ષેપ
• યુવતીનો વીડિયો વાયરલ કરવાની ધમકી આપી બ્લેકમેલ કરવાનો આક્ષેપ
• પોલીસ ફરિયાદ કરવા છતા કોઈ કાર્યવાહી ન થતા યુવતીએ કર્યો આપઘાતનો પ્રયાસ