બરબાદી / APMC બંધ રહેતા ખેડૂતોએ શાકભાજી રસ્તા ઉપર ફેંકી, સરકાર કંઈક વચલો માર્ગ કાઢે તેવી આશા

• દેશમાં વધી રહ્યો છે કોરોનાનો કહેર, જગતના તાતની મુશ્કેલીઓ વધી
• APMC સુધી નથી જવા દેવાતા, ખેડૂતો શાકભાજી ફેંકવા મજબુર
• ખેડૂતો શાકભાજી ફેંકતા જોવા મળ્યા

દેશમાં કોરોનાનો કહેર વધી રહ્યો છે. ત્યારે અમદાવાદ ગ્રામ્ય વિસ્તારમાં જગતના તાતની મુશ્કેલીઓમાં વધારો થયો છે. ખેડૂતોને APMC સુધી ન જવા દેવાતા ખેડૂતો શાકભાજી ફેંકતા હોય તેવા દ્રશ્યો જોવા મળ્યા છે. 

સરકાર કંઈક વચલો માર્ગ કાઢે તો બચી શકાય

શહેરોમાં સહિત તમામ જગ્યાએ પરિવારનો હાલ શાકભાજીની જરૂરિયાત છે ત્યારે આ રીતે શાકભાજીની બરબાદી થાય એના કરતા જો કોઈ ઉપાય મળે અને ખેડૂતો પાસેથી સીધી શાકભાજી ખરીદી લાવે તો શાકભાજીનો બગાડ અટકાવી શકાય. 

અમદાવાદના આ ગામાડમાંથી ખેડૂતો ફેંકી દીધા શાક

અમદાવાદના ગ્રામ્ય વિસ્તારોમાં આવેલા કાસીન્દ્ર, વિસલપુર, નાના છાપરા સહિતના ગામના ખેડૂતની કપરી સ્થિતિ જોવા મળી રહી છે. ખેડૂતોને પોતાના પાકના હાલ યોગ્ય ભાવ મળતા નથી. તો કેટલીક વાર ખેડૂતોને પોલીસ દ્વારા આગળ જવા દેવામાં આવતા નથી. જેને લઇને ખેડૂતો પોતાના પાકને ખેતરમાં જ ફેંકી દે છે.