અમદાવાદ:ઓઢવમાં PNBના ATMમાં ચોરીનો પ્રયાસ ચોરીની સાયરન વાગતા ચોર ભાગ્યા

અમદાવાદના ઓઢવ વિસ્તારમાં આવેલી પંજાબ નેશનલ બેંકમાં 2 શખ્સોએ એટીએમમાંથી ચોરી કરવાનો પ્રયાસ કર્યો હતો. ચોરી કરવા આવેલા 2 શખ્સોએ ATM તોડ્યું હતું.

ચોર એટીએમમાં અંદર આવતા મુંબઈની પંજાબ નેશનલ બેંકની બ્રાન્ચમાં એલર્ટનો મેસેજ આવ્યો હતો. ત્યારબાદ મુંબઈની બ્રાંચમાંથી અમદાવાદ બ્રાંચમાં ચોરનુ સાયરન શરૂ કરવામાં આવ્યું. એલર્ટ સાયરનનો અવાજ આવતા શખ્સો ફરાર થયા હતા. આ સમગ્ર ઘટના CCTVમાં કેદ થઈ હતી. ત્યારે હવે પોલીસે CCTV ફૂટેજના આધારે તપાસ શરૂ કરી છે.

આ ઘટના અંગે મળતી વિગત અનુસાર અમદાવાદના ઓઢવ વિસ્તારમાં ગતરોજ એક ચોરીનો બનાવ બન્યો હોવાની જાણાકારી સામે આવી હતી. પંજાબ નેશનલ બેંકની ઓઢવ શાખા નજીક રહેલા ATMને 2 અજાણ્યા શખ્સો તોડી રહ્યા હોય તેવા CCTV સામે આવ્યા હતા.

આ ઘટનાની જાણકારી મુંબઇ સ્થિત શાખાને ચોર એટીએમમાં અંદર હોવાનો એલર્ટનો મેસેજ આવ્યો હતો. ત્યારબાદ મુંબઈની બ્રાંચમાંથી અમદાવાદ બ્રાંચમાં ચોરીનું સાયરન શરૂ કરવામાં આવતા ચોર ગભરાઇ ગયા હતા. અચાનક વાગેલ એલર્ટ સાયરનનો અવાજ આવતા શખ્સો ફરાર થયા હતા.જો કે આ સમગ્ર ઘટના CCTVમાં કેદ થઈ હતી.

આ ઘટના અંગેની જાણકારી નજીકના પોલીસ મથકે કરવામાં આવતા પોલીસ કાફલો ઘટના સ્થળે આવી પહોંચ્યો હતો અને પ્રાથમિક તપાસ હાથ ધરી હતી. જો કે ATMમાંથી કેટલી રકમ ચોરાઇ તે અંગે હજી સુધી જાણકારી પ્રાપ્ત થઇ શકી નથી. જો કે પોલીસે CCTV તપાસીને આ શખ્સોનો ઝડપી લેવા તજવીજ હાથ ધરી છે.