અમદાવાદ: ભાજપના રાષ્ટ્રીય અધ્યક્ષ અમિત શાહ ગુજરાતની મુલાકાતે આવ્યા છે. આજે અમિત શાહે ભાજપના કલસ્ટર સંમેલનમાં હાજરી આપશે. પંચમહાલ ગોધરા અને છોટા ઉદેપુર બેઠકોનું ક્લસ્ટર સંમેલનનું આયોજન કરવામાં આવ્યું છે.
આ સાથે જ આજરોજ તેમણે પોતાના અમદાવાદ ખાતેના સત્તાવાર નિવાસ સ્થાનેથી ભાજપનું ઘર અભિયાનનો પ્રારંભ કરાવ્યો હતો. ભાજપના રાષ્ટ્રીય અધ્યક્ષ અમિત શાહના નિવાસસ્થાને CM રૂપાણી નાયબ મુખ્યમંત્રી નીતિન પટેલ તથાં પક્ષના અન્ય દિગ્ગજ નેતાઓ ખાસ હાજર રહ્યા હતા.
આ કાર્યક્રમમાં અમિત શાહ હાજરી આપશે. આ કાર્યક્રમ બાદ સાંજે કમલમ પર કોર કમિટી સાથે બેઠક કરવાના છે. લોકસભાનીચૂંટણી માટે ઇન્ચાર્જ સાથે બેઠક કરાઈ છે. આજથી ભાજપના મહાઅભિયાનની પણ શરૂઆત થવાની છે. ભાજપના રાષ્ટ્રીય અધ્યક્ષ અમદાવાદથી અભિયાનની શરૂઆત કરાવશે જેમાં સાંસદ ધારાસભ્યો પોતાના ઘરે ભાજપનો ધ્વજ લગાવવામાં આવશે.
ઉલ્લેખનીય છે કે લોકસભાની ચૂંટણી પહેલા તમામ રાજકીય પક્ષો પોત પોતાના મત વિસ્તારમાં ચૂંટણી પ્રચારમાં વ્યસ્ત બન્યા છે. ત્યારે ભાજપ અધ્યક્ષ અમિત શાહ પણ હવે ગુજરાતની મુલાકાતે આવી રહ્યા છે. લોકસભા ચૂંટણીને લઈને પ્રચારની ગુજરાતમાંથી તેઓ શરૂઆત કરશે. અમદાવાદથી રાષ્ટ્રીય અધ્યક્ષ અમિત શાહ ચૂંટણી પ્રચારની શરૂઆત કરશે. મારૂ ઘર ભાજપનું ઘર...ના નારા સાથે ચૂંટણી પ્રચારની શરૂઆત કરશે.
આ સાથે જ અમિત શાહ મુખ્યમંત્રી અને પ્રદેશ અધ્યક્ષ સાથે પણ બેઠક કરશે. એટલું જ નહીં પણ ગુજરાતમાં લોકસભાની ચૂંટણીને લઈને પણ સમીક્ષા કરશે. ઉપરાંત પ્રભારી ઓમ માથુર પણ હાજર રહેશે. ઉલ્લેખનીય છે કે લોકસભાની ચૂંટણી બાબતે સિનિયર નેતાઓને વધુ જવાબદારીઓ પણ સોંપાઈ શકે છે. કોંગ્રેસમાં નારાજ સભ્યોને ભાજપમાં સમાવવા માટે પણ ચર્ચા વિચારણા થઈ શકે છે.