અમદાવાદમાં આવેલા રાજપથ ક્લબ વિરુદ્ધ AMCએ કાર્યવાહી કરી છે. AMCએ રાજપથ ક્લબને સીલ કર્યું છે. રાજપથ ક્લબમાં પોતાનું પાર્કિંગ હોવા છતા રોડ પર ગાડીઓની લાઈન લાગતી હતી. જેના કારણે ભારે ટ્રાફિકની સમસ્યા ઉભી થતી હતી. જેના કારણે કોર્પોરેશનના અધિકારીઓએ પોલીસની હાજરીમાં ક્લબને સીલ કર્યો હતો.
આપને જણાવી દઇએ કે એક તરફ અમદાવાદની ટ્રાફિક સમસ્યા દિવસેને દિવસે વધતી જાય છે આ મામલે હાઇકોર્ટે પણ અમદાવાદ મનપાને ટકોર કરી છે પરંતુ તેમ છતાં ટ્રાફિક સમસ્યાનો ઉકેલ આવ્યો નથી.
ત્યારે આજરોજ થયેલી એક સુનાવણીમાં પોલીસ કમિશનર મ્યુ.કમિશનર સહિત અનેક અધિકારીઓને અમદાવાદ હાઇકોર્ટે ઠપકો પણ આપ્યો હતો.
આ ઠપકાની અસર મોડી રાતે જોવા મળી હતી અને હાઇકોર્ટે આપેલા ઠપકાની અસરની શરૂઆત અમદાવાદની વૈભવી રાજપથ ક્લબથી શરૂ થઇ હતી. અમદાવાદ મહાનગરપાલિકાએ ઉચ્ચપોલીસ અધિકારીઓને સાથે રાજપથ ક્લબને સીલ કરી હતી.
અમદાવાદની વૈભવી ગણાતી રાજપથ ક્લબને સીલ કરવામાં આવી હોવાના સમાચાર વાયુવેગ પ્રસરી જતા લોકોના ટોળા પણ ઘટના સ્થળે આવી પહોંચ્યા હતા. આ ક્લબ સીલ કરવા પાછળનું કારણ આપતા અમદાવાદ મહાનગરપાલિકાના અધિકારીઓએ જણાવેલ કે ક્લબને પોતાનું પાર્કિગ હોવા છતાં તેઓ ક્લબ આવતા વાહનોને બહાર પાર્ક કરાવે છે.
વાહનનું રોડ પર પાર્કિગ થતા હાઇવે પર ટ્રાફિકની સમસ્યા વારંવાર બને છે. ત્યારે હવે જોવું રહ્યું કે આગામી સમયમાં રાજપથ ક્લબ સામે કેવા પ્રકારની કાર્યવાહી કરવામાં આવે છે.