1 જૂનને હતો મૃતક દહરનો જન્મદિવસ, 10 દિવસ પહેલા જ માસૂમ બાળકને ડમ્પર રૂપી કાળ ભરખી ગયો,અકસ્માતમાં માતાને પણ ગંભીર ઈજાઓ પહોંચી
ડમ્પર ચાલકે લીધો નિર્દોષનો જીવ
અકસ્માતમાં 6 વર્ષના બાળકનું મૃત્યુ
પોલીસે ડમ્પર ચાલકની કરી ધરપકડ
અમદાવાદમાં વાહનની અડફેટે મોતના બનાવો અનેક ગણા વધી ગયા છે. રોજ કેટલાય નિર્દોષ લોકો બેફામ વાહન ચલાવી રહેલા ડ્રાઈવરોને લીધે મોતને ભેટે છે ત્યારે અમદાવાદના પાંજરાપોળ વિસ્તારમાં બેફામ ડમ્પર ચાલકે ટક્કર મારતા 6 વર્ષના બાળકનું મૃત્યુ થતાં ચકચાર મચી છે.આઝાદ સોસાયટીમાં રહેતા સુરભીબેન પોતાના દીકરાને સ્કૂલે મુકવા જતા હતા.ત્યારે AMCના ડમ્પર ચાલકે એક્ટીવાને અડફેટે લીધી હતી.જેમાં દીકરા દહરનું મૃત્યુ થયું છે.જ્યારે માતા સુરભીબેન પણ ફંગોળાઇ જતા ઇજા પહોંચી હતી.
કેવી રીતે બન્યો બનાવ?
ઘટના કંઈ ક એવી છે કે આઝાદ સોસાયટીમાં રહેતા સુરભીબેન તેના 6 વર્ષના દીકરા દહરને સ્કૂલ મુકવા જતા હતા .ઘરેથી હસતો રમતો જતો દહર તેની માતા સાથે વાતો કરતો હતો.તેઓ સહજાનંદ કોલેજ પાસે પહોંચ્યા ત્યારે AMCના કચરો ભરવાનો ડમ્પર ચાલકે જોખમી રીતે હંકારી એક્ટિવાને જોરદાર ટક્કર મારી હતી. જેમા 6 વર્ષના દહરનુ ઘટના સ્થળે મોત નીપજ્યું હતું.અને દહરની માતાને ગંભીર ઈજાઓ પહોંચી હતી.
દહર પર ડમ્પરનું ટાયર ચડી ગયું
આઝાદ સોયટીમ આવેલા એપાર્ટમેન્ટમાં રહેતા રોનક ભટ્ટ જમીન દલાલ તરીકે કામ કરે છે.તેમના પત્ની સુરભી 6 વર્ષનું બાળક દહર અને પિતા સાથે રહે છે.રોનક ભાઈ રોજ તેમન દીકરાને સ્કૂલે મુકવા જય છે.આજે સવારે રોનકભાઈના પિતાને ઓપરેશન હોવાથી તેઓ તેમના પિતાને લઈને દવાખાને ગયા હતા .એટલે સુરભીબેન દહરને સ્કૂલે મુકવા ઘરેથી નીકળ્યા હતા.સુરભીબેન દાહરને લઈને સહજાનંદ કોલેજ પાસે પહોંચ્યા હતા.ત્યારે નહેરુનગર તરફથી AMCનું કચરાનું ડમ્પર આવતું હતું તેને સુરભીબેનની એક્ટિવાને ટક્કર મારી હતી.જે સમયે દહર આગળ બેઠો હતો.તે એક્ટિવા પરથી ફગોળાઈને નીચે પટકાયો જ્યારે બીજી તરફ સુરભીબેન પણ ફગોળાઈને પટકાયા હતા.આ ડમ્પર એટલી સ્પીડે હતું કે તે દહર પર ડમ્પરનું ટાયર ફરી વળ્યું હતું.
ડમ્પર ચાલકની ઘરપકડ કરી ગુનો નોંધ્યો
ડમ્પર ચાલકોના બેફામ ડ્રાઈવિંગના કારણે અનેક નિર્દોષ લોકોના મૃત્યુ પામ્યા છે. આ ઘટનામા પણ ડમ્પર ચાલક સ્પીડમા હોવાનું તપાસમાં ખુલ્યુ છે.જેથી ટ્રાફિક એમ ડિવિઝન પોલીસે અકસ્માત મોતનો ગુનો નોંધી ડમ્પર ચાલકની ધરપકડ કરીને સીસીટીવી ફુટેજના આધારે તપાસ શરૂ કરી છે. બેફામ ચાલતા ડમ્પર ચાલકને લઈને પરિવારે રોષ વ્યકત કર્યો અને આવા ડમ્પર ચાલકોને કડક સજા થાય તેવી માંગ કરી છે.