અમદાવાદ મનપા અને એજન્ટોની મિલિભગતને પગલે જે વસ્તુઓ કામ નથી આવતી તેના પણ લાખોના ચુકવણા કરવા પડે છે. CCTVનું પણ આવુ જ કેમેરા કૌભાંડ સામે આવ્યુ છે. કોન્ટ્રાક્ટ આપી દેવામાં આવે છે પણ તે પ્રમાણે કામ થયુ છે કે નહીં તે રામ જાણે. કામગીરીનું કોઈ મૂલ્યાંકન કરવામાં આવતુ નથી.
2019 સુધીના સમયગાળા માટે વાર્ષિક રૂ.16.70 લાખ ચૂકવાશે
એલ એન્ડ ટીને રૂ. 1.70 લાખ ચૂકવ્યા હતા
કેમેરાનું વધુ એક ધુપ્પલ બહાર આવ્યું
મ્યુનિસિપલ કોર્પોરેશનમાં એક યા બીજાં પ્રકારનાં કૌભાંડની નવાઇ નથી રહી. તાજેતરમાં પાંજરાપોળ ખાતેની બીઆરટીએસ ( BRTS )ની દુર્ઘટનામાં બંધ કેમેરાના કૌભાંડે ખળભળાટ મચાવ્યો હતો. હવે સીસીટીવી ( CCTV) કેમેરાનું વધુ એક ધુપ્પલ બહાર આવ્યું છે. છેલ્લા બે ચોમાસામાં શહેર વરસાદી પાણી ભરાઇ જતાં જળબંબાકાર થતું રહ્યું છે તેમ છતાં અંડરપાસ, મહત્વના ચાર રસ્તા તેમજ વરસાદી પાણી ભરાવાનાં સ્થળોએ લગાવાયેલા કેમેરાના ફિડબેક મેળવવા માટે તંત્ર દ્વારા લાખો રૂપિયાનું આંધણ કરાયું છે.
82 સીસીટીવી કેમેરાનું ફિડબેક એલ એન્ડ ટી કંપની દ્વારા મોન્સૂન કંટ્રોલ રૂમને મોકલાતું હતું
પાલડીના સંસ્કાર કેન્દ્ર ખાતે તંત્ર દ્વારા અદ્યતન મોન્સૂન કંટ્રોલ ( Monsoon Control Room ) રૂમ બનાવાયો છે. આશરે 82 સીસીટીવી કેમેરાનું ફિડબેક એલ એન્ડ ટી ( L&T )કંપની દ્વારા મોન્સૂન કંટ્રોલ રૂમને મોકલાતું હતું. જે માટેની લીઝ લાઇનના ચાર્જ પેટે ગત તા.16 ડિસે. 2017થી ગત તા.15 ડિસે. 2018 સુધીના સમયગાળા માટે એલ એન્ડ ટીને રૂ. 1.70 લાખ ચૂકવ્યા હતા અને આગામી તા.15 ડિસે. 2019 સુધીના સમયગાળા માટે વાર્ષિક રૂ.16.70 લાખ ચૂકવાશે.
CCTV હોવા છતાં કોઈ કામના નહી
જાણકાર સૂત્રો કહે છે, એલ એન્ડ ટીને આશરે રૂ.37 લાખ ચૂકવીને પણ સીસીટીવી કેમેરાના ફિડબેકથી નાગરિકોને ચોમાસામાં રાહત તો મળી ન હતી. દર વર્ષની જેમ આ વખતે પણ સામાન્ય વરસાદમાં અનેક સ્થળો જળબંબાકાર થઇ ગયા હતા અને કલાકો સુધી ટ્રાફિક જામ થઇ જવાથી ભારે હાલાકી ભોગવવી પડી હતી.