અમદાવાદ એરપોર્ટ ટર્મિનલ 2 પર CISF દ્વારા મુસાફર નીલમ દવેનું ફિઝિકલ બેગ ચેક કરતા ઉશ્કેરાઈને બેગને ફેંક્યું અને CISFના ઈન્સ્પેકટરને લાફો માર્યો હતો
અમદાવાદ એરપોર્ટ પર યુવતીએ CISFના ઈન્સ્પેક્ટરને માર્યો લાફો
અમદાવાદ એરપોર્ટ પર ટર્મિનલ-2ની ઘટના
નીલમ દવે નામની યુવતીએ ચેકિંગ દરમિયાન માર્યો ઈન્સ્પેક્ટરને લાફો
અમદાવાદ એરપોર્ટ પર CISFના ઈન્સપેક્ટરને એક યુવતીએ લાફો માર્યાની ઘટના સામે આવી છે. આ ઘટના ઈન્ટરનેશનલ એરપોર્ટ ટર્મિનલ-2ની છે. સમગ્ર ઘટનામાં લાફો મારનારા વ્યક્તિનું નામ નીલમ અભિનય દવે છે. નીલમ અભિનય દવેની બેગને ચેકિંગ માટે મશીનમાં રાખવામાં આવી હતી. પરંતુ બેગનું ચેકિંગ ક્લીયર થતું નહોતું. જેના કારણે CISF દ્વારા ફિઝિકલ બેગ ચેક કરતા નીલમ દવે ઉશ્કેરાઈને બેગને ફેંક્યું હતું. જે બાદ નીલમે પોતાનો રોફ દેખાડતા કહ્યું કે, હું સરકારી અધિકારીની દીકરી છું.
કર્મચારીઓ સમજાવી રહ્યા હતા કે, બેગમાં ફોન હશે
સમગ્ર ઘટના 1 એપ્રિલની સવારે થઈ હતી. ઈન્ટરનેશનલ એરપોર્ટ ટર્મિનલ-2 ખાતે મુસાફર નીલમ દવેનું બેક ચેક કરવામાં આવ્યું હતું. પરંતુ બેગ કોઈ રીતે સ્ક્રિનિંગમાંથી પાસ થતું નહોતું. જેથી હાજર કર્મચારી નીલમને સમજાવી રહ્યા હતા. આ દરમિયાન CISFના ઈન્સ્પેક્ટર અને અમદાવાદ નરોડામાં રહેતા કલ્પેશ રામટકે હાજર હતા. કર્મચારી નીલમને સમજાવી રહ્યા હતા કે, બેગમાં ફોન અથવા કોઈ ધાતૂની વસ્તુઓ હશે. જેથી તમારી બેગ ફિઝીકલી ચેક કરવી પડશે. આ વાતને લઈ નીલમ ઉશ્કેરાઈ ચૂકી હતી. તેણે હાજર કર્મી સાથે બોલાચાલી પણ કરી હતી. અને બેગ પણ ફ્લોર પર ફેંકી દીધું હતું. જે બાદ અચાનક નીલમે CISFના ઈન્સ્પેક્ટરને લાફો મારી દીધો હતો.
CISFના ઈન્સ્પેક્ટરે પોલીસમાં નોંધાવી ફરિયાદ
પાસપોર્ટના આધારે લાફો મારનારી યુવતીનું નામ નીલમ દવે જાણવા મળ્યું છે.અને યુવતી નીલમ દવેએ ગુસ્સામાં ફરજા પર હાજર CISFના ઈન્સ્પેક્ટર કલ્પેશ રામટકેને લાફો મારી દીધો હતો. જે બાદ CISFના ઈન્સ્પેકટર દ્વારા એરપોર્ટ પોલીસ સ્ટેશનમાં ફરિયાદ નોંધાવવામાં આવી હતી. આ બાદ પોલીસે આરોપી નિલમ દવેની ધરપકડ કરી હતી. બેગની ચેકિંગ કરતા મોબાઈલ ફોન મળી આવ્યા બાદ બેગ સ્ક્રિનિગ થઈ હતી.