વાહ રે વાહ / અમદાવાદ ઍરપોર્ટ પર જતા પહેલાં વિચારજો નહીંતર લૂંટાઈ જશો, અદાણીએ ટૅક્સી ચાલક પાસે પાર્કિંગના નામે રૂ.7000 વસૂલ્યાં

• એરપોર્ટ પર અદાણીની ઉઘાડી લૂંટ
• ટેક્સી ચાલક પાસેથી વસૂલ્યો 7 હજાર દંડ
• પાર્કિંગમાં ટેક્સી પડી રહેતા વસૂલ્યો દંડ

રાજ્ય અને કેન્દ્ર સરકાર છેલ્લા 5 વર્ષથી ખાનગીકરણ તરફ પ્રેરાઈ છે. અને દેશમાં મોટા પાયે ખાનગીકરણ થઈ રહ્યું છે. જેમાં હવે અમદાવાદ એરપોર્ટ પણ આવી ગયું છે. થોડા સમય પહેલા અમદાવાદનું સરદાર વલ્લભભાઈ પટેલ ઈન્ટરનેશનલ એરપોર્ટ અદાણીને સંચાલન માટે આપવામાં આવ્યું છે. અને અદાણીના હાથમાં એરપોર્ટનું સંચાલન આવતાં જ પાર્કિંગના ભાવમાં તોતિંગ વધારો કરાયો છે. જેમાં 13 એપ્રિલથી પ્રથમ એક કલાક ફ્રી અને ત્યાર બાદ પ્રતિ કલાક 50 રૂપિયા ચાર્જ વસૂલવામાં આવી રહ્યો છે.

અમદાવાદ ઍરપોર્ટ પર અદાણીની પાર્કિંગના નામે ઉઘાડી લૂંટ : ટૅક્સી ચાલક પાસેથી 7000 રૂપિયા દંડ તરીકે વસૂલાયા@CMOGuj @vijayrupanibjp #Adani #AhmedabadAirport pic.twitter.com/2NPXrJzyYY

— VTV Gujarati News and Beyond (@VtvGujarati) April 13, 2021

જોકે 12 એપ્રિલે પાર્કિંગમાં પ્રવેશ થયેલી અને 13 એપ્રિલે સવારે 9 વાગે બહાર નીકળવા માગતા એક કાર ચાલક પાસેથી 7 હજાર રૂપિયા પાર્કિંગ ચાર્જ વસૂલવામાં આવ્યો. જેના કારણે ઓલા ઉબેરના ચાલકોમાં ભારે રોષ ફેલાયો છે. આ મામલે કાર ચાલકે એરપોર્ટ પોલીસ સ્ટેશનમાં અરજી આપી હતી. કોરોનાની મહામારી ચાલી રહી છે. લોકો માંડ પગભર થઈ રહ્યા છે. તેવામાં સરકારના કડક નિયમો અને વધતી મોંઘવારી વચ્ચે લોકો ટેક્સી ચલાવીને ગુજરાન ચલાવી રહ્યા છે. તેમને પણ એરપોર્ટ પર લૂંટવામાં આવી રહ્યા છે.

ઉદ્યોગપતિ હોય કે પછી મે‌ડિકલ મા‌ફિયા, જ્યાં પૈસા એકઠા કરવા મળે ત્યાં તેઓ એક તક પણ છોડતા નથી. કોરોના વાઇરસના કારણે ઠેર-ઠેર મે‌ડિકલ મા‌ફિયા લૂંટફાટ મચાવી રહ્યા છે. દેશના જાણીતા ઉદ્યોગગૃહ અદાણી ગ્રૂપે અમદાવાદ એરપોર્ટનો કોન્ટ્રાકટ લીધા બાદ પાર્કિંગ ચાર્જમાં ઉઘાડી લૂંટ શરૂ કરી છે. જો એરપોર્ટમાં એક મિ‌નિટ માટે પણ કાર લઇને જવું હોય તો એક ‌લિટર પેટ્રોલ આવે તેના કરતાં વધુ ચાર્જ પાર્કિંગમાં ચૂકવવો પડે છે. એટલે કે એક મિ‌નિટના 90 રૂપિયા ચાર્જ આપવો પડતો હતો. જે નિયમને વિરોધ બાદ બદલી 1 કલાક સુધી ફ્રી કરી દેવાયો છે.