અમદાવાદ એરપોર્ટ દાણચોરીનું હોટ ફેવરિટ હબ બની ગયું છે. અમદાવાદ એરપોર્ટ પરથી ફરીએકવાર સોનું ઝડપાયું છે. ઇન્ટેલિજન્સ યુનિટે માહિતીના આધારે એરપોર્ટ પરથી ત્રણ કિલો સોનું ઝડપી પાડ્યું છે. જેમાં એક આરોપીની ધરપકડ કરી છે. છેલ્લા 5 વર્ષમાં 1300 કરોડથી પણ વધુનું સોનું એરપોર્ટ પરથી ગુજરાતમાં ઘુસ્યું હોવાની એક શક્યતા છે.
અમદાવાદ એરપોર્ટ પરથી ત્રણ કિલો સોનું ઝડપાયું
ઈન્ટેલિજન્સ યુનિટે માહિતીના આધારે આરોપીની કરી ધરપકડ
1.17 કરોડના સોના સાથે એક આરોપીની ધરપકડ
અમદાવાદ એરપોર્ટ પરથી સોનું ઝડપાયું
ઇન્ટેલિજન્સ યુનિટે માહિતીના આધારે બેંગકોકથી આવેલા એક શખ્સની ત્રણ કિલો સોનુ સાથે ધરપકડ કરી છે. ઇન્ટેલિજન્સ યુનિટને માહિતી મળી હતી કે બેંગકોકથી આવી રહેલા શખ્સ પાસે એક કરોડ 17 લાખનું સોનું છે.
આરોપીની મોટી ગેંગ સાથે સંકળાયેલો હોવાની આશંકા
અમદાવાદ એરપોર્ટ પરથી એક કરોડ 17 લાખ એટલે કે અંદાજે ત્રણ કિલો સોનું સાથે ધરપકડ કરાયેલી આરોપી મોટી ગેંગ સાથે સંકળાયેલી હોવીની ઇન્ટેલિજન્સ યુનિટને આશંકા છે.
દાણચોરીનો ગઢ બન્યું અમદાવાદ એરપોર્ટ
અમદાવાદ એરપોર્ટ દાણચોરીનું હોટ ફેવરીટ બની રહ્યું હોય તેવુ લાગી રહ્યું છે. એક અહેવાલ મુજબ છેલ્લા 5 વર્ષમાં 1300 કરોડથી પણ વધુ સોનું એરપોર્ટ પરથી ગુજરાતમાં ઘુસ્યું હોવાની શક્યતા છે. આ અગાઉ એરપોર્ટ પરથી 24 કિલો સોનું ઝડપાયું હતું. જેમાં ઝડપાયેલા આરોપીએ મોટો ઘટસ્ફોટ કર્યો હતો. આરોપીએ કબલ્યું હતું કે છેલ્લા પાંચ વર્ષમાં અંદાજે 4 હજાર કિલો સોનું દાણચોરીથી ભારતમાં ઘૂસાડ્યું છે.