અમદાવાદ: બાપુનગરમાં અપહરણ બાદ એક યુવકની હત્યા

અમદાવાદના બાપુનગર વિસ્તારમાં એક 18 વર્ષીય યુવાનની તીક્ષ્ણ હથિયાર વડે હુમલો કરી કરપીણ હત્યા કરી દેવાઈ. મળતી માહિતી મુજબ આ હત્યા પાડોશમાં જ રહેતા પીન્ટુ નામના યુવાન અને તેના અન્ય 3 સાગરીતોએ હત્યા કરી હતી. 

સમગ્ર ઘટના વિશે જણાવીયે તો કે મૃતક સાગર વર્મા અને પ્રમોદ બંને મિત્રો હતા. પ્રમોદ સાથે આરોપી પીન્ટુની મારામારી થઈ હતી. જેની અદાવતમાં પીન્ટુના હાથમાં સાગર આવી જતા તે સાગરને જનરલ હોસ્પિટલ ડી-19 પાછળ ઉપાડીને લઈ ગયા હતા. 

જ્યાં સાગરને પીન્ટુએ અને તેના અન્ય ત્રણ સાગરીતો દીપક વિજ્યા અને રોનકે ચાકુ દંડો અને પથ્થર વડે હુમલો કરી ઘાતકી હત્યા કરી ત્યાંથી ફરાર થઈ ગયા હતા. 

મૃતકની લાશ બે કલાક સુધી ત્યાં સુધી પડી રહી હતી બાદમાં કોઈ અજાણ્યા વ્યક્તિએ 108 અને તેના પરિવારને જાણ કરી હતી. પરંતુ સાગર સિવિલ હોસ્પિટલ ખાતે સારવાર માટે પહોંચે તે પહેલાં જ તેનું મોત થયું હતું. 

ઉલ્લેખનીય છે કે મૃતક સાગર પોતાના પરિવારનું ગુજરાન ચલાવવા સેલ્સમેન તરીકે નોકરી કરતો હતો. સાગર નોકરી જવા ઘરેથી નીકળ્યો હતો ત્યારે આ ઘટના બની હતી. 

આ ઘટનના પગલે મૃતકના પરિવારજનોએ બાપુનગર પોલીસ સ્ટેશનમાં ફરિયાદ નોંધાવી હતી. પોલીસે આ ચારેય આરોપીઓ સામે હત્યાનો ગુનો નોંધી ફરાર આરોપીઓને પકડવા ચક્રો ગતિમાન કર્યા છે.