અમદાવાદ / છેતરપિંડીની ફરીયાદ લખવા પોલીસકર્મીએ માંગી લાંચ, વેપારીએ એવું કર્યું કે કહેશો 'મરદનો બચ્ચો' !

• ફરિયાદ બાદ ન્યાય ના મળતા વેપારી કોર્ટના શરણે 
• કોર્ટે એક મહિનામાં તપાસ રીપોર્ટ માટે આપ્યો આદેશ 
• કાલૂપૂરના કોન્સ્ટેબલે ફરિયાદ બદલ લીધી જંગી રકમ 

ન્યાય મેળવવા ધક્કા  ખાવા પડે, વલખા મારવા પડે આમ છતાં ન્યાય તો દૂર ,જવાબ સુદ્ધાના મળતો  હોવાની પ્રતીતિ કેટલાય વ્યાપારીઓ, નાગરિકોને થઇ રહી છે. પણ, એક વેપારીએ,60 હજારની માંગવામાં આવેલી લાંચના બદલામાં ન્યાય માટે ખૂબ વલખા માર્યા બાદ,અંતે કોર્ટના શરણે ગયો હતો. કોર્ટે એક જ મહિનાની મહેતલ આપતા તપાસ રીપોર્ટ રજૂ કરવા આદેશ આપ્યો છે. 

ACB પણ વેપારીને આપતું હતું 'ખો' 

અમદાવાદના કાલુપુરમાં વેપારી હિતેશ તહેલિયા સાથે લાખોની છેતરપીંડી થતા તેઓ પોલીસ સ્ટેશન ફરિયાદ નોંધાવવા ગયા.  પોલીસ સ્ટેશનના કર્મચારી  પ્રવીણસિંહ વાળાએ ફરિયાદ નોંધવાના 60 હજાર માગતા વેપારીને રીતસર ઝાળ લાગી ગઈ હતી. એક તો લાખોની છેતરપિંડીમાં નાણા ગુમાવ્યા અને ઉપરથી ફરિયાદના 60 હજાર ક્યાંથી ચૂકવવા ? ગમે તેમ કરીને વેપારીએ રૂપિયા  54 હજારની વ્યવસ્થા કરી ,ફરિયાદ માટે તજવીજ આગળ વધારવા વિનવણી કરી હતી. ફરિયાદના બદલામાં અપાયેલા 54 હજાર બાદ પણ, ફરિયાદ નોંધનાર પોલીસ કર્મીનું રૂપિયા 6 હજાર માટે સતત દબાણ રહેતું હતું. વેપારીએ તુક્કો લગાવીને   ઓડિયો રેકોર્ડીંગ કરી લીધું .ત્યાર બાદ, વ્યાપારી રેકોર્ડીંગ લઈને  ACB ઓફિસ પહોચ્યો હતો,જ્યાં તેણે અરજી પણ કરી. પરંતુ ACB માં લાંબા સમય સુધી  ધક્કા ખાધા બાદ પણ  ન્યાય નહિ મળતા વેપારીએ કોર્ટના દરવાજા ખખડાવ્યા હતા.  કોર્ટે ACBને 30 દિવસમાં તપાસ નો રિપોર્ટ રજૂ કરવાનો આદેશ આપ્યો. મહત્વનું છે કે ACB આ ઓડિયો FSL માં મોકલશે અને પોલીસ કર્મચારી અને ઓડિયો નો વોઇસ સ્પેકટ્રોગ્રાફી ટેસ્ટ કરાવશે.