અમદાવાદમાં હાથ, પગ, માથું કપાયેલી હાલતમાં કચરાના ઢગલામાંથી અજાણ્યા પુરુષની લાશ મળી આવતા હડકંપ મચી ગયો છે. આ મામલે પોલીસ પણ દોડતી થઇ છે.
અમદાવાદના વાસણામાંથી મળી આવી લાશ
કચરાના ઢગમાંથી લાશ મળી આવતા ચકચાર
હાથ, પગ, માથુ કપાયેલી હાલતમાં મળી લાશ
અમદાવાદના વાસણા વિસ્તારના સોરાઈનગર પાસે કચરાના ઢગલામાંથી પુરુષનો મૃતદેહ મળી આવતા હડકંપ મચી જવા પામ્યો છે. હાથ પગ અને માથું કાપેલી હાલતમાં મૃતદેહ મળી આવતા વાસણા પોલીસને જાણ કરવામાં આવી હતી. જેને લઈને પોલીસે સ્થળ પર જઈ તપાસ શરૂ કરી હતી. કચરાના ઢગલામાંથી મળી આવેલા મૃતદેહ કેસમાં વાસણા પોલીસે હત્યાનો ગુનો નોંધી કાર્યવાહી આરંભી છે. વધુમાં ક્રાઈમ બ્રાન્ચની ટીમ પણ તપાસમાં જોતરાઈ છે. તો FSL સહિતની મદદથી પોલીસે તપાસ શરૂ કરી છે.
માથું, હાથ અને પગ ગાયબ હોવાથી મૃતદેહની ઓળખ મેળવવી અઘરી
વાસણામાં હત્યા કરેલી હાલતમાં કચરાના ઢગલામાંથી મૃતદેહ મળી આવતા સનસનાટી મચી ગઈ છે. આરોપીઓ બેરહેમીથી હત્યાને અંજામ આપ્યો હોય તેમ અજાણ્યા પુરુષનું માથું, હાથ અને પગ ધળથી અલગ કરી નાખવામાં આવ્યા હતા. આ રૂહકાંપ ઘટનાને લઈને મૃતકની ઓળખ કરવી મુશ્કેલ હવાથી પોલીસે તપાસ શરૂ કરી છે. પોલીસે હત્યાનો ગુન્હો નોંધી આસપાસના સીસીટીવી તપાસવા સહિતની કાર્યવાહીનો ધમધમાટ શરૂ કર્યો છે.
fsl સહિતની મદદથી પોલીસે તપાસ શરૂ કરી
પોલીસે પંચનામાં ઉપરાંત મૃતકની ઓળખ માટે પોસ્ટર સહિત કાર્યવાહી શરૂ છે.સાથે જ ગુમ થનારા લોકોની પણ યાદી તપાસવાનું શરૂ કર્યું છે. જેથી મૃતકની ઓળખ કરી શકાય અને ગુનાનો ભેદ ઉકેલી શકાય. તેમજ ક્રાઈમ બ્રાન્ચને જાણ થતાં ટિમ પણ તપાસમાં જોતરાઈ છે. વધુમાં fsl સહિતની મદદથી પોલીસે તપાસ શરૂ કરી છે. જે હાલતમાં મૃતદેહ મળી આવ્યો તેના પરથી પોલીસને આશંકા છે કે મૃતદેહને 72 કલાક ઉપર સમય થયો છે. જેથી મૃતદેહ મળી આવ્યો તે સ્થળ આસપાસના લોકોની પૂછપરછ કરી તેમજ amc અને ખાનગી વ્યક્તિ કચરો નાખે છે તે તમામ બાબતોની તપાસ કરી કેસને ઉકેલવા તપાસ તેજ કરી છે.