VIDEO: અંજલી ચાર રસ્તા પર બની રહેલ બ્રિજ પાસે તૂટી ક્રેન એક વ્યક્તિ ઘાયલ

અમદાવાદ: શહેરના અંજલી ચાર રસ્તા પાસે બની રહેલા બ્રિજ માટે મંગાવેલી ક્રેન અચાનક પડી જતા એક શખ્સ ગંભીર રીતે ઘાયલ થયો હતો. રીક્ષા પર ક્રેન પડતા એક શખ્સને ઈજાઓ પહોંચી હતી. ઈજાગ્રસ્ત યુવાનને તાત્કાલીક સારવાર અર્થે વી.એસ હોસ્પિટલ ખસેડાવામાં આવ્યો હતો.
 

#Ahmedabad ના અંજલી ચાર રસ્તા નજીક ક્રેન પડી બ્રિજના કામ માટે મંગાવેલી ક્રેન પડી
રીક્ષા પર ક્રેન પડતા એક વ્યકિતને ગંભીર ઇજા ઇજાગ્રસ્તને વી.એસ હોસ્પિટલ ખસેડાયો pic.twitter.com/gryxnCvcGR

— VTV Gujarati News (@VtvGujarati) October 13 2018

આ ઘટના અંગે મળતી જાણકારી મુજબ ગત મોડી સાંજે અમદાવાદ શહેરના સતત ધમધમતા રહેતા અંજલી ચાર રસ્તા પાસે બની રહેલા બ્રિજ માટે મંગાવેલી ક્રેન તૂટી પડી હતી. અચાનક ક્રેન તૂટી પડતા તે એક રીક્ષા પર પડી હતી. આ ઘટનાને પગલે અફરા-તફરીનો માહોલ જોવા મળ્યો હતો.



જો કે ક્રેન તૂટી પડવાને કારણે એક વ્યક્તિ ગંભીર રીતે ઘાયલ થઇ હતી. ઘાયલ થયેલ આ શખ્સને નજીકના દવાખાને તાત્કાલિક અસરથી સારવાર માટે ખસેડવામાં આવ્યો હતો. જો કે ક્રેન ક્યાં કારણોસર તૂટી પડી તે અંગે જાણકારી પ્રાપ્ત થઇ નહોંતી.