અમદાવાદ / સાસુએ જમાઈ અને વેવાઈ સામે ફરિયાદ કરી જેલમાં ધકેલ્યા, રૂપિયાનો વટ્ટ અને ઘમંડ તોય ન ઉતર્યો, કેસ જાણી નવાઈ પામશો

• અમદાવાદમાં પ્લોટનું બારોબારીયું કરી વેચી મારવાનો કારસો
• પ્રખ્યાત બિલ્ડરના સાળા અને બે પુત્રો સામે ફરિયાદ
• 3.25 કરોડ પડાવી લીધાનો દાવો

અમદાવાદમા વધુ એક વખત જમીન કૌભાંડ સામે આવતા ચકચાર મચી જવા પામી છે. જેમાં મોટા ગજાના ગણાતા બિલ્ડર નટુ પટેલના સાળા અને બે પુત્રો સામે છેતરપિંડીની ફરિયાદ નોંધાઈ છે. પંકજ હાથીભાઈ પટેલ અને તેના બે પુત્રો માલવ અને રોમિલ પટેલ વિરુધ્ધ સાસુએ જ ફરિયાદ નોંધાવી છે. જે ફરિયાદમાં ચોંકાવનારા દાવા કરવામા આવ્યા છે. આરોપીઓએ જે પ્લોટ પોતાના નામે નથી તેવા પ્લોટને બારોબાર વેચી મારવાના ઇરાદે બાનાખત બનાવી આપી 3.25 કરોડ પડાવી લીધા હતા. ત્યારબાદ પ્લોટનો કબજો ન મળતા સમગ્ર કૌભાંડ ઉઘાડું પડ્યું હતું. આથી ફરિયાદએ રૂપિયાની માંગણી કરતા આરોપીઓ લાજવાને બદલે ગાજયા હતા અને રૂપિયા પરત ન આપી ધમકી પણ આપી હતી. 

જેને લઈને મામલો પોલીસ મથકે પહોંચ્યો હતો. ત્યારબાદ ફરિયાદને પગલે સેટેલાઈટ પોલીસે ગુનો નોંધી બે આરોપી પંકજ પટેલ અને તેમના પુત્ર રોમિલ પટેલની ધરપકડ કરી છે. જ્યારે માલવ પટેલને ફરાર જાહેર કરી તને દબોચી લેવા તપાસના ચક્રો ગતિમાન કર્યા છે. 

3.25 કરોડ પડાવી લીધા હતા

મહત્વનું છે કે ફરાર આરોપી માલવ પટેલની સાસુ સાધનાબેન શાહે ફરિયાદ નોંધાવી છે કે, જેમના જમાઈ માલવ તેનો ભાઈ રોમિલ અને તેમના પિતા પંકજ પટેલે સુરત ખાતે આવેલો 412 ચોરસ મીટર નો પ્લોટ વેચાણ આપવાના બહાને 3.25 કરોડ પડાવી લીધા હતા. જે બાદ પ્લોટ કે રૂપિયા ન આપતા મામલો પોલીસ મથકે પહોચ્યો હતો. જ્યાં પોલીસે ગુનો નોંધી વધુ તપાસ હાથ ધરી છે.. સાથે જ ક્રિષ્ના ડેવલપર્સનો પ્લોટ વેચવાનો પ્રયાસ કરવા અંગે પોલીસ તે તપાસ કરી રહી છે કે આરોપી એ કોઈ ખોટા ડોક્યુમેન્ટ બનાવ્યા છે કે કેમ?  અને જો તે હકિકત સામે આવશે તો આરોપી વિરુધ્ધ કડક પગલા લેવાશે

આરોપીના જેલમાં પણ અલગ જ તેવર

સાસુએ જમાઈ અને વેવાઈ વિરુધ્ધ નોંધાવેલી ફરિયાદની તપાસ કરતા પોલીસે પંકજ પટેલ અને રોમિલની સુરતથી ધરપકડ કરી છે. પરંતુ પોલીસ કસ્ટડીમાં આરોપી હોવા છતા પંકજ પટેલ વટ્ટ સાથે નજરે ચડ્યો હતો અને ખિસ્સામાં હાથ રાખી હસતા મો એ પોતાની ધરપકડનો સ્વિકાર કરતો દેખાતો હતી. ત્યારે રૂપિયાના જોર પર વટ્ટ બતાવતા આવા વ્હાઈટ કોલર ક્રિમીનલને પોલીસ કાયદાના શુ પાઠ ભણાવે છે તે જોવુ મહત્વનુ છે.