પહેલા અંગ્રેજી માધ્યમની સારી શાળાઓમાં બાળકોના પ્રવેશ માટે લાઈનો લાગતી હતી પરંતુ હવે એવું નથી રહ્યું. શિક્ષણ વધુને વધુ મોંઘુ થઈ રહ્યું છે ત્યારે અમદાવાદમાં કડકડતી ઠંડીમાં જુનિયર કેજીમાં બાળકના પ્રવેશ માટે કતારો લાગી હતી. સરકાર દ્વારા એટલીસ્ટ શિક્ષણની વ્યવસ્થા હોય તો પણ સારૂ. એક બાજુ સરકાર સરકારી શાળાઓનું મર્જર કરી રહી છે અને બીજી બાજુ ખાનગી શાળાઓમાં પ્રવેશ માટે લાઈનો લાગે છે.
શિક્ષણ અને સ્વાસ્થ્ય બાબતે સરકાર કેમ ઉણી
અમદાવાદમાં કેટલીય શાળાનો આ સિનારીયો છે
ભણશે ગુજરાત ક્યાંય દેખાતુ નથી
અમદાવાદના નિકોલમાં વહેલી સવારથી જ લોકો ફી ભરવા માટે લાઈનો લગાવી હતી. નિકોલની ચાણાક્ય સ્કુલમાં ગુજરાતી માધ્યમમાં પ્રવેશ મેળવવા રીતસર પડાપડી જેવો માહોલ સર્જાયો હતો. 100ની જગ્યા સામે 500 ફોર્મ ભરાયા હતા.
શહેરના નિકોલ વિસ્તારમાં આવેલી ચાણક્ય સ્કૂલમાં ગુજરાતી મિડિયમમાં એડમિશન લેવા માટે વાલીઓએ ગઈકાલ બપોરેથી લાઈનો લગાવી હતી. બપોરે લગભગ 500 જેટલા લોકો એડમિશન ફોર્મ લેવા માટે લાઈનમાં ઉભા રહ્યા હતા. માત્ર એટલું જ નહીં કડકડતી ઠંડીમાં 300 જેટલા લોકોએ ગોદડા પાથરીને સ્કૂલ આગળ રાતવાસો કરીને ફોર્મ મેળવવા માટે ઉજાગરા કર્યા હતા.
વાઈસ પ્રિન્સિપાલ પણ લાઈનમાં
આ લાઈનમાં ચાણક્ય સ્કૂલના જ વાઈસ પ્રિન્સિપાલ (પ્રાઈમરી) વિશાલ પ્રજાપતિ પોતાના દિકરાના એડમિશન માટે લાઈનમાં 64માં નંબર પર ઉભા રહ્યા હતા. તેની સાથે સ્કૂલના ત્રણ શિક્ષકો પણ લાઈનમાં ઉભા રહ્યા હતા.
કેમ લાગી છે લાઈનો
કારણ કે ફી મધ્યમ વર્ઘને પરવડે તેવી છે. આજે ફોર્મ વિતરણની કામગીરી આજે સવારે સાડા નવ વાગ્યે શરૂ થઈ હતી. જો કે લાંબી લાઈનની પાછળનું કારણ સ્કૂલે નિયત કરેલી છે. એફઆરસી મુજબ સ્કૂલ ફી રૂ.15 હજાર છે જ્યારે ચાણક્ય સ્કૂલ દ્વારા રૂ.7200 ફી લેવાનું નક્કી કરવામાં આવ્યું છે.
એક ધોરણના 105 વિદ્યાર્થી જ
ચાણક્ય સ્કૂલમાં જુનિયર કે.જી.થી ધોરણ 10 સુધીના વર્ગો છે. એક ક્લાસમાં 35 વિદ્યાર્થીઓ એવા 3 વર્ગ ચલાવવામાં આવે છે. વિદ્યાર્થીઓને અહીં અભ્યાસ ઉપરાંત ડાન્સ, સ્કેટિંગ, કરાટે જેવી એક્ટિવિટી કરાવવામાં આવે છે.