AMC / અમદાવાદમાં ચાર આસિ. મ્યુનિ. કમિશનરને મહત્ત્વના વિભાગની ફાળવણી

• રાહુલ એસ. શાહ, પૃથ્વીરાજસિંહ બી. ઝાલા, હિતેશ ગજ્જર અને રાહુલ શર્માને સોંપાયી જવાબદારી 
• ઝોનલ કચેરીની સત્તા ઝાંખી પડી હોવાની ચર્ચા 

મ્યુનિસિપલ કોર્પોરેશનમાં નવા નિમાયેલા આસિ. મ્યુનિસિપલ કમિશનરને સબ ઝોનલ કચેરીના સર્વેસર્વા બનાવાયા છે. આ ઉપરાંત રૂ. પાંચ લાખ સુધીનાં ટેન્ડરને મંજૂરી આપવાની સત્તા સોંપાઇ છે. એક પ્રકારે હવે ઝોનલ કચેરીનો 'પાવર' ઝાંખો પડ્યો છે. હવે વહીવટીતંત્ર દ્વારા ચાર આસિ. મ્યુનિ. કમિશનરને મહત્વના વિભાગ સોંપાયા છે. ગઇ કાલે આ અંગેના ઓર્ડર પ્રસિદ્ધ કરાયા હતા.

તંત્રના જીડીઇએસટી નં. ૧/૩૭ર૭ હેઠળ નારણપુરા અને નવરંગપુરા વોર્ડનો કાર્યભાર સંભાળતા રાહુલ એસ. શાહને સ્માર્ટ સિટી મિશનના જનરલ મેનેજર બનાવાયા છે. તેઓ સબ ઝોનલ કચેરી ઉપરાંત વધારાનો આ વિભાગ સંભાળશે. સરખેજ અને જોધપુર વોર્ડના આસિ. મ્યુનિ. કમિશનર પૃથ્વીરાજસિંહ બી. ઝાલાને ઇ-ગવર્નન્સના ડાયરેકટર અને સ્માર્ટ સિટીના જનરલ મેનેજરનો વધારાનો ચાર્જ સોંપાયો છે.

જ્યારે ગોમતીપુર અને અમરાઇવાડી વોર્ડના આસિ. મ્યુનિ. કમિશનર હિતેશ ગજ્જરને વિજિલન્સ વિભાગના આસિ. મ્યુનિ. કમિશનર અને ઓઢવ-નિકોલ વોર્ડના આસિ. મ્યુનિ. કમિશનર રાહુલ શર્માને ઇજનેરના આસિ. મ્યુનિ. કમિશનરનો હવાલો પણ સોંપાયો છે.