દર વર્ષની જેમ આ વર્ષે પણ અમદાવાદીઓએ નવા વર્ષને વધાવ્યું હતુ. પરંતુ કેટલાકે વર્ષના છેલ્લા દિવસની સાંજ નશીલી બનાવી હતી પરંતુ પોલીસે પણ આ વખતે એકશનમાં હતી રાતના 12 વાગ્યા સુધીમાં 218 અમદાવાદી યુવાનો પીધેલી હાલતમાં ઝડપાયા હતા જેમની નવા વર્ષની સવાર જેલમાં પડી હતી. જો કે દારૂબંધીમાં પણ દારૂ આવે છે ક્યાંથી તે વિચાર ભરી વાત છે.
અમદાવાદમાં નવા વર્ષે મજા માણવી ભારે પડી
અમદાવાદમાંથી 218 શખ્સો દારૂ પીધેલા પકડાયા
સરદારનગરમાં સૌથી વધુ 108 કેસ નોંધાયા
પોલીસે 218 જેટલા પ્રોહિબિશનના કેસ રાત્રે 12 વાગ્યા સુધીમાં કર્યા હતા. જોકે, આ આંકડો 300 આસપાસ પહોંચવાની શક્યતાને પણ નકારી ન શકાય.
પોશ વિસ્તારમાં કેટલા પકડાયા
પશ્ચિમ વિસ્તાર એટલે કે સેક્ટર-1ના સોલા પોલીસ સ્ટેશનમાં 8, ઘાટલોડિયામાં 3, વાડજમાં 1, નવરંગપુરામાં 12થી વધારે, ગુજરાત યુનિ.માં 4, વેજલપુરમાં 5, વાસણામાં 2, એલિસબ્રિજમાં 11, સેટેલાઈટમાં 4, પાલડીમાં 1, રાણીપમાં 4, ચાંદખેડામાં 3, મધુપુરામાં 11, રિવરફ્રન્ટ ઇસ્ટમાં 1, કારંજમાં 2, કાલુપુરમાં 1 એમ કુલ 73 થી વધુ કેસ કરાયા હતા. જેમાં નવરંગપુરા, સોલા અને માધુપુરામાં વધારે કેસ નોંધાયા હતા.
નદી પારના વિસ્તારોમાં વધુ છે દૂષણ
પૂર્વ વિસ્તાર એટલે કે સેક્ટર-2ના સરદારનગરમાં 108 કેસ, શાહીબાગમાં 7, નરોડામાં 12થી વધુ, કૃષ્ણનગરમાં 19, મેઘાણીનગરમાં 13થી વધુ, બાપુનગરમાં 12, રખિયાલમાં 5, અમરાઈવાડીમાં 4, ખોખરમાં 1, રામોલમાં 20, મણિનગરમાં 2, વટવા જીઆઇડીસીમાં 4, દાણીલીમડામાં 7, નારોલમાં 2 મળીને શહેરમાં 31મી ડિસેમ્બરની રાત્રે 12 વાગ્યા સુધીમાં કુલ 218 કેસ નોંધાયા હતા. જેમાં સૌથી મોટો આંકડો સરદારનગરનો હતો. સરદારનગરને દારૂનું હબ ગણવામાં આવે છે.