ગુજરાત યુનિવર્સિટીમાં અભ્યાસ કરતા વિદ્યાર્થીઓ માટે મહત્વના સમાચાર આવ્યા છે. કોરોનાને કારણે મોકૂફ રાખવામાં આવેલ પરીક્ષાઓ આગામી 12 એપ્રિલથી ફરી યોજાશે તેવું યુનિવર્સિટી તંત્ર દ્વારા નક્કી કરવામાં આવ્યું છે.
ગુજરાત યુનિ.ના વિદ્યાર્થીઓ માટે મોટા સમાચાર
મોકૂફ પરીક્ષા 12 એપ્રિલથી થશે શરૂ
BA,B.COM,BSC,BBA,BCA,B.EDની પ્રથમ સેમની પરીક્ષા
પ્રાપ્ત થતી જાણકારી પ્રમાણે, BA,B.COM,BSC,BBA,BCA,B.EDની પ્રથમ સેમની પરીક્ષાઓ કોરોના વાયરસના અમદાવાદમાં વધી રહેલા કેસને કારણે મોકૂફ રાખવામાં આવી હતી. જો કે, આજરોજ વહીવટી તંત્ર દ્વારા નવી તારીખોનું એલાન કરવામાં આવ્યું છે.
12 એપ્રિલથી લેવામાં આવશે પરીક્ષાઓ
તંત્ર દ્વારા કરવામાં આવેલ જાહેરાત પ્રમાણે આગામી 12 એપ્રિલથી મોકૂફ રખાયેલ પરીક્ષાઓ લેવામાં આવશે, જેમાં વિદ્યાર્થીઓની બેઠક વ્યવસ્થા-પરીક્ષા સ્થળમાં કોઇ ફેરફાર નહીં હોવાનું તંત્ર દ્વારા કહેવામાં આવ્યું છે.
કોરોના મહામારીને કારણે પરીક્ષાઓ રખાઇ હતી મોકૂફ
ઉલ્લેખનીય છે કે, કોરોનાની મહામારીના કારણે પહેલા ગુજરાત ટેકનોલોજી યુનિવર્સિટી(GTU) અને ગુજરાત યુનિવર્સિટીની પરીક્ષા મોકૂફ રાખવામાં આવી હતી. GTU બાદ ગુજરાત યુનિવર્સિટીની તારીખ 8થી 17 ડિસેમ્બર સુધી યોજનારી પરીક્ષા મોકુફ રાખવાનો નિર્ણય લેવામાં આવ્યો હતો. જો કે, હવે નવી તારીખોનું જાહેરાત કરવામાં આવી છે.