મહારાષ્ટ્રમાં રાજકીય ઘમાસાણ ચાલી રહ્યું છે. ત્યારે અહેમદ પટેલનો એક વીડિયો સામે આવ્યો છે. જેમાં તેઓ કોંગ્રેસના ધારાસભ્યોને સલાહ-સૂચન આપી રહ્યાં છે. અહેમદ પટેલ કોંગ્રેસના ધારાસભ્યોને કહી રહ્યાં છે.
મોદી અને અમિત શાહ તરફથી ચેલેન્જ છેઃ અહેમદ પટેલ
ક્યાય પણ આપણે નબળાઇ નથી બતાવવાનીઃ અહેમદ પટેલ
આપણે એક રહેવું પડશેઃ અહેમદ પટેલ
તમે લોકો જાણો છો કે આપણે મહેનત કરીને અહિંયા સુધી આવ્યા છીએ. તો 30 તારીખે ફરી એકવાર આપણો વિજય થશે એ નિશ્ચિત છે. પરંતુ સવાલ એ છે કે આપણે એક રહેવું પડશે અને એકત્રિત રહેવાનું છે. આપણું મનોબળ મજબૂત રાખવાનું છે અને ક્યાં પણ આપણે નબળાઇ નથી બતાવવાની. મને ક્યાં પણ નબળાઇ નથી દેખાઇ રહી.
અહેમદ પટેલે બેઠક દરમિયાન કહ્યું કે એવી પરિસ્થિતિમાં આપણે એક રહીને, એકઠા રહીને... કારણ કે આપણને આ પડકાર ભાજપે આપ્યો છે. તેમના તરફથી ખાસ પ્રકારે મોદી અને અમિત શાહ તરફથી ચેલેન્જ છે. તેમણે ભાજપ પર પ્રહાર કરતા કહ્યું કે તેમને હાર આપવી જરૂરી છે.
બીજી તરફ અજીત પવાર NCPમાં પરત જવા તૈયાર નથી. અજીત પવારને જે મનાવવાની કોશિશ થઇ તે નિષ્ફળ ગઇ છે. શરદ પવારે અજીત પવારને ભૂલ સ્વિકારી નાયબ મુખ્યમંત્રી પદ પરથી રાજીનામું આપી પરત ફરવાની વાત કરી હતી.
ડેપ્યુટી સીએમ બન્યા બાદ અજીત પવારે પહેલીવાર પ્રતિક્રિયા આપી હતી. અજીત પવારે ટ્વિટ કરી પીએમ મોદીનો આભાર માન્યો. અજીત પવારે ટ્વીટ કરી કહ્યું કે મહારાષ્ટ્રમાં એક સ્થાયી સરકાર અપીશું જે રાજ્યના વિકાસ માટે મજબૂતીથી કામ કરશે. અજીત પવારે અમિત શાહ અને રાજનાથસિંહનો પણ આભાર માન્યો.