મોટા સમાચાર / કોંગ્રેસ નેતા અહેમદ પટેલની તબિયતને લઇને સાંભળો દિકરી મુમતાઝે શું કહ્યું ઓડિયો સંદેશમાં

કોંગ્રેસના નેતા અને ગુજરાત રાજ્યસભાના સાંસદ અહેમદ પટેલની ગત અઠવાડિયે તબિયત લથડતા દિલ્હીની ગુરુગ્રામની એક હોસ્પિટલમાં દાખલ કરવામાં આવ્યાં હતા. જો કે તે પહેલાં થોડા સમય અગાઉ તેઓ કોરોના પોઝિટિવ પણ જોવા મળ્યાં હતા. 

જો કે હાલ તબિયત બગડતાં ગુરુગ્રામની હોસ્પિટલમાં સારવાર લઇ રહેલા અહેમદ પટેલની પુત્રી મુમતાઝે તેમની તબિયતમાં સુધારાને લઇને ઓડિયો સંદેશના માધ્યમથી આ અંગેની જાણકારી આપી છે. 
 

Salaams & Good evening.
Please find the attached voice note for the latest update on the health condition of my father, Shri Ahmed Patel. pic.twitter.com/bP5UtbYeGK

— Faisal Patel (@mfaisalpatel) November 18, 2020

કોંગ્રેસના દિગ્ગજ નેતા અહેમદ પટેલના પુત્ર ફૈસલ પટેલે પોતાની બહેનનો આ ઓડિયો ટ્વિટર પર શેર કર્યો છે. મુમતાઝે કહ્યું કે તબીબો સાથે આજે વાતચીત થઇ. મારા પિતાની તબિયતમાં સુધારો થયો છે. જો કે ઇલાજ સંપૂર્ણ રીતે પુરો થવામાં હજી પણ થોડો સમય લાગશે. બધા લોકોના પ્રેમ અને પ્રાર્થના માટે તેમનો ધન્યવાદ.

ઉલ્લેખનીય છે કે આ અગાઉ પણ અહેમદ પટેલની દિકરીનો ઓડિયો સંદેશ સામે આવ્યો હતો. જેમાં જણાવ્યું હતું કે કોરોના પછી તબિયત વધુ ખરાબ થતાં હોસ્પિટલમાં દાખલ કરાયાં છે. મુમતાઝે લોકોના ફોનનો જવાબ નહી આપી શકવાને કારણે માફી માગી હતી. દેશ-વિદેશથી પ્રિયજનોના મેસેજ અને કોલ મળી રહ્યાં છે.