કોર્ટ / 2017ની રાજ્યસભા ચૂંટણી વિવાદ મામલે કોર્ટમાં અહેમદ પટેલની ઉલટ તપાસ, આવતીકાલે વધુ જુબાની લેવાશે

2017માં યોજાયેલી રાજ્યસભાની ચૂંટણીના વિવાદનો મામલે અહેમદ પટેલે કોર્ટમાં હાજર થઈને સોગંદનામું રજૂ કર્યું હતું. અહેમદ પટેલે પોતાના પર લાગેલા તમામ આક્ષેપ નકાર્યા હતા. હાઇપ્રોફાઇલ કેસને લઈને પ્રદેશ કોંગ્રેસના દિગ્ગજ નેતાઓ હાજર રહ્યા હતા. અહેમદ પટેલ તરફથી વકીલ પી.ચિદમ્બરમને રજૂઆત કરી હતી. પી.ચિદમ્બરમે કહ્યું કે, હાલ જે વિટનેસ કહે છે તે માનવું પડે.

વકીલ પી.ચિદમ્બરમનો ફોન રણક્યો
રાજ્યસભાની ચૂંટણીના પરિણામ અંગે વિવાદને લઇને બંને પક્ષની હાઇકોર્ટમાં દલીલો ચાલી હતી. HCની કાર્યવાહી દરમિયાન જ વકીલ પી.ચિદમ્બરમનો ફોન રણક્યો હતો. જેને લઇને તેમણે જાહેરમાં જસ્ટિસ પાસે માફી માગી હતી. ત્યારબાદ તેમની ભૂલને પ્રથમ ભૂલ ગણીને જવા દેવામાં આવી. પી.ચિદમ્બરમનો ફોન સ્વીચ ઓફ કરાવાયો હતો.

સુનાવણી દરમિયાન જજની બંને પક્ષના વકીલોને કડક સુચના આપવામાં આવી હતી. જજે કહ્યું હતું કે, એફિડેવિટને લગતા સવાલો પૂછવામાં આવે. 

બળવંતસિંહ રાજપૂતના વકીલ સત્યપાલ જૈને અહેમદ પટેલની કરી ઉલટ તપાસ

• નાણાની લેવડ દેવડના હિસાબ કોણ જુએ છે?:સત્યપાલ જૈન
• મોઇન ખાન અને તેમના આસિ. રાજેશ શર્મા જુએ છે: અહેમદ પટેલ
   
• તમારા અંગત મદદનીશ કોણ છે?: સત્યપાલ જૈન
• આદિત્ય શર્મા મારા અંગત મદદનીશ છે: અહેમદ પટેલ
   
• ક્યા ક્યા મેમ્બરો-ધારાસભ્યોએ તમારૂ નામ સૂચવ્યુ હતું?: સત્યપાલ જૈન
• મોહનસિંહ રાઠવા, અન્ય 3થી 4 ધારાસભ્યોએ મારૂ નામ સૂચવ્યુ હતું: અહેમદ પટેલ
   
• શું આ બધા ધારાસભ્યો તમારી સાથે જ હતા?: સત્યપાલ જૈન
• હાલ કેટલાક છોડીને જતા રહ્યાં છે એટલે મને યાદ નથી: અહેમદ પટેલ
   
• શું તમે ચૂંટણી એજન્ટ પસંદ કર્યો હતો અને કોને પસંદ કર્યો હતો?: સત્યપાલ જૈન
• શૈલેષ પરમારને ચૂંટણી એજન્ટ તરીકે પસંદ કર્યા હતા: અહેમદ પટેલ
   
• પોલિંગ એજન્ટ કોઇ હતો?: સત્યપાલ જૈન
• મે ઓબ્ઝર્વર તરીકે શક્તિસિંહ અને એજન્ટ અર્જૂન મોઢવાડિયાને રાખ્યા હતા: અહેમદ પટેલ

મહત્વનું છે કે, કોર્ટમાં અહેમદ પટેલની તપાસ પૂર્ણ જાહેર કરાઇ છે. ત્યારે હવે બળવંતસિંહના વકીલ અહેમદ પટેલની ઉલટ તપાસ કરશે. આજના દિવસની હાઇકોર્ટની કાર્યવાહી પૂર્ણ કરી દેવામાં આવી છે. આવતીકાલે અહેમદ પટેલની વધુ જુબાની લેવાશે.