કોવિડ 19 / કોરોના સંક્રમિત અહેમદ પટેલને બીજી હોસ્પિટલમાં દાખલ કરાયા, આ લોકોએ પૂછ્યા હાલચાલ  

• કોંગ્રેસ નેતા અહેમદ પટેલ દિલ્લીની હોસ્પિટલમાં દાખલ
• ફરીદાબાદથી દિલ્લીની હોસ્પિટલમાં કરાયા દાખલ
• થોડાદિવસ પહેલા અહેમદ પટેલ થયા હતા કોરોના સંક્રમિત

નોંધનીય છે કે નજીકના ભૂતકાળમાં જ ભારત ના અનેક દિગ્ગજ નેતાઓને કોરોના સંક્રમણનો ચેપ લાગી ચૂક્યો છે અને હવે આ જ શ્રેણીમાં ગુજરાત ના દિગ્ગજ નેતા અને કોંગ્રેસ પ્રમુખ સોનિયા ગાંધી ના રાજકીય સલાહકાર એવા અહેમદ પટેલ નુ નામ પણ જોડાઈ ચૂક્યું છે. 

હાલ અહેમદ પટેલની તબિયત સ્થિર

સૂત્રો દ્વારા મળતી માહિતી અનુસાર ગુજરાત કોંગ્રેસ ના દિગ્ગજ નેતા અને કોંગ્રેસ ની કિચન કેબિનેટના મહત્વના સભ્ય મનાતા અહેમદ પટેલનો કોરોના રીપોર્ટ પોઝીટીવ આવ્યો હતો, અને હાલમાં તેમને વધુની સારવાર માટે દિલ્હીની હોસ્પિટલમાં દાખલ કરાયા હોવાની માહિતી મળી રહી છે. 

કોંગ્રેસવચગાળાના પ્રમુખ સોનિયા ગાંધી ના રાજકીય સલાહકાર એવા અહેમદ પટેલ નો કોરોના રીપોર્ટ પોઝીટીવ આવ્યા બાદ તેમને એક હોસ્પિટલમાં ભરતી કરવામાં આવ્યા હતાં, તેમને ફરીદાબાદથી દિલ્હીની હોસ્પિટલમાં ફેરવવામાં આવ્યા હતા. સૂત્રોએ જણાવ્યા પ્રમાણે હાલ તેમની હાલટ સ્થિર છે અને ડોકટરોની દેખરેખમાં છે. 

ગુજરાત કોંગ્રેસ ના પૂર્વ પ્રમુખ અર્જુન મોઢવાડીયા, વિધાનસભાના વિપક્ષ નેતા પરેશ ધાનાણી અને ગુજરાત કોંગ્રેસ પ્રમુખ અમિત ચાવડા અને કાર્યકારી પ્રમુખ હાર્દિક પટેલે અહેમદ પટેલના ખબર અંતર પૂછ્યા હતા.