અમદાવાદ / આંતરજ્ઞાતીય લગ્ન કરનાર યુવકની ઘાતકી હત્યા, પોલીસે હત્યારાઓની શોધખોળ હાથ ધરી

ઉલ્લેખનીય છે કે, હરેશ સોલંકી અને ઉર્મિલા નામની યુવતી એક બીજાના પ્રેમમાં પડ્યા હતા. ત્યાર બાદ બન્નેએ પ્રેમ લગ્ન કર્યા હતા. હરેશ સોલંકી દલિત યુવક હતો જ્યારે ઉર્મીલા દરબાર જ્ઞાતિની હતી. પ્રેમ લગ્ન કરતા ઉર્મિલાનો પરિવાર બે મહિનાથી વરમોર ગામમાં લઈને આવ્યા હતા. ત્યારે પત્નીના પરિવારને સમજાવવા માટે હરેશ 181 અભયમના અધિકારીઓને લઈને ગામમાં પહોંચ્યો હતો. આ દરમિયાન 8 શખ્સોએ મળીને હરેશની હત્યા કરી હતી.

આ બનાવની વિગત મુજબ કચ્છ ગાંધીધામમાં રહેતા હરેશ યશવંતભાઈ સોલંકીએ આશરે છ માસ પહેલા અમદાવાદના માંડલ ગામ નજીક આવેલ વરમોરામાં રહેતા ઉર્મિલાબહેન ઝાલા સાથે કોર્ટમાં પ્રેમલગ્ન કર્યા હતા. જ્ઞાાતિ અલગ હોવાથી યુવતીના પરિવારજનો આ લગ્નથી નારાજ હતા. આ સમયગાળા દરમિયાન યુવતીની દાદી બિમાર પડતા પરિવારજનો ગાંધીધામ જઈને દિકરી ઉર્મિલાને પોતાની સાથે લઈ ગયા હતા.

જો કે, ત્યારબાદ પત્નીને તેણીના ઘરેથી પરત લાવવામાં જોખમ લાગતા પતિ હરેશભાઈએ ૮ જુલાઈના રોજ અભયમ મહિલા હેલ્પલાઈન- 181 માં ફોન કરીને જણાવ્યું હતું કે મારી પત્ની બે મહિનાથી પ્રેગનન્ટ છે જેથી મને ચિંતા થાય છે.  જે બાદ અભ્યમની ટીમ યુવતીનાં ઘરે સમજાવવા માટે ગયા હતાં. જ્યારે યુવકને વાનની અંદર બેસવાનું કહ્યું હતું. આ સમય દરમિયાન યુવક પર કેટલાક લોકોએ જાનલેવા હુમલો કરીને તેનું કાળસ કાઢી નાંખ્યું હતું.