અમદાવાદ / ભગવાન જગન્નાથજીની જળયાત્રાને લઇને જાણવા જેવી રસપ્રદ વાત

આ જળયાત્રામાં 15 ગજરાજો, 108 પારંપરીક કળશ અને 1 હજાર આઠ મહિલાઓ પણ જોડાયેલી હોય છે. જળયાત્રામાં 10થી વધુ ભજન મંડળીઓ પણ જોડાઈ છે. જ્યારે 501 જેટલા લોકો હાથમાં વિવિધ રંગોના ઝંડા અને ધજા સાથે સામેલ થયતાં હોય છે.

આ સિવાય 51 લોકો ચાંદીની છડી સાથે 10 જેટલા કાવડમાં ભગવાન જગન્નાથજી માટે પ્રસાદ લાવે છે. ઉલ્લેખનીય છે કે, ભગવાન જગન્નાથની રથયાત્રા સમાન જ આ જળયાત્રા ગણાય છે. ભગવાન જગન્નાથજી ગણેશજીના રૂપમાં દર્શન આપશે. આ મંદિરમાં પંદર દિવસસુધી ભગવાન વિગ્રહ રહેશે.

જળયાત્રાની રસપ્રદ વાત

• ભગવાન જગન્નાથજીની 12 યાત્રાઓ પૈકીની મુખ્ય યાત્રા છે જળયાત્રા
• રથયાત્રાનો પહેલા પડાવ એટલે જળયાત્રા
• જળયાત્રામાં મોટી સંખ્યામાં ભક્તો જોડાશે
• જળયાત્રા સાબરમતી નદીના તટે સોમનાથ ભૂદરના પહોચશે
• સોમનાથ ભૂદરના આરે ગંગાપૂજનનું આયોજન કરાયું છે
• ગંગાપૂજન પછી 108 કળશમાં જળ ભરાશે
• જળયાત્રા સવારે 10 વાગે મંદિરે પરત ફરશે 
• મંદિરમાં ભગવાનનો શાસ્ત્રોક્ત વિધિથી જળાભિષેક કરાશે
• જળાભિષેક દરમિયાન સાધુ-સંતો અને ભાવિક ભક્તજનો ઉપસ્થિત હશે
• મંદિરમાં મૂર્તિઓને દૂધથી કેસર સ્નાન કરાવાશે
• તાંબા અને પિતળના કળશમાં લાવશે જળ
• જળયાત્રામાં પણ ગજરાજની ઉપસ્થિતિનું મહત્વ વિશેષ છે
• જળાભિષેક બાદ ગજવેશમાં પ્રભુનાં દર્શન આપશે
• જળાભિષેક બાદ ભગવાન જગન્નાથજીનું ષોડષોપચાર પૂજન અર્ચન થશે
• ગજવેશ સાથે જોડાયેલી છે અનોખી માન્યતા
• જેઠ સુદ પૂર્ણિમાએ ભગવાનનાં "ગજવેશ"નાં શણગારનાં દર્શન થાય છે
• ગુજરાતનો એક ગણેશ ભક્ત ગણપતિ નામનો હતો 
• તે બે મહિના પગપાળ ચાલીને જગન્નાથજી મંદિર ગયો હતો
• તેને ગણેશજીનાં બદલે જગન્નાથજીનાં દર્શન થયા
• ભક્તને લાગ્યું કે, આ ભગવાન નાં હોય અને તેણે અન્ન-જળનો ત્યાગ કર્યો
• જ્યારે "જયેષ્ઠાભીષેક" થયો, ત્યારે તેને ગણેશ સ્વરૂપનાં દર્શન થયા
• ત્યારથી જ વર્ષમાં એક વખત ભગવાન ગજવેશમાં દર્શન આપે છે
• જગન્નાથજી મંદિરમાં તો જળયાત્રા વિશિષ્ટ પરંપરા વર્ષોથી ચાલતી આવી છે
• જળયાત્રા બાદ ભગવાન મામાના ઘરે સરસપૂરમાં જતા હોય છે