અફઘાનિસ્તાનના અભેદ કિલ્લા ગણાતા પંજશીર વિસ્તાર જીતી લીધો હોવાનો દાવો અહમદ મસૂદે ફગાવી દીધો છે.
પંજશીર વિસ્તાર જીતી લીધો હોવાનો તાલિબાનનો દાવો
નોર્ધન એલાયન્સના અહમદ મસૂદે ઓડિયો મેસેજ જારી કર્યો
તાલિબાનનો દાવો ફગાવ્યો
કહ્યું, લોહીના છેલ્લા ટીંપા સુધી હાર નહીં માનીએ
પંજશીરમાં તાલિબાન સામે મરણીયા બનીને જંગ ખેલી રહેલા નોર્ધન એલાયન્સના અહમદ મસૂદે એક ઓડિયો મેસેજ જારી કરીને જણાવ્યું કે લોહીના છેલ્લા ટીંપા સુધી હાર નહીં માનીશું.
અહમદ મસૂદે પાકિસ્તાન પર પણ નિશાન સાધતા જણાવ્યું કે દરેક દેશને પાકિસ્તાનની સંડોવણી ખબર છે. તેમ છતાં પણ બધા દેશ ખામોશ છે.
અહમદ મસૂદે પાકિસ્તાન પર નિશાન સાધ્યું
મસૂદે કહ્યું છે કે દરેક દેશ પાકિસ્તાનની સંડોવણીથી વાકેફ છે પરંતુ તેમ છતાં દરેક દેશ મૌન છે. મસૂદે કહ્યું છે કે પ્રતિકાર મોરચાના લડવૈયાઓ અજેય છે. તેમણે પંજશીરમાં પાકિસ્તાન અને તાલિબાન દ્વારા કરવામાં આવેલા બોમ્બ ધડાકાની પુષ્ટિ કરી હતી. ફહીમ તેમજ અહમદ મસૂદના પરિવારના ઘણા સભ્યો પંજશીરમાં તાલિબાન અને પાકિસ્તાન દ્વારા કરવામાં આવેલા બોમ્બ વિસ્ફોટમાં માર્યા ગયા હતા.
પાકિસ્તાને પંજશીરમાં અફઘાનો પર સીધો હુમલો કર્યો
મસૂદે કહ્યું છે કે પાકિસ્તાને પંજશીરમાં અફઘાનો પર સીધો હુમલો કર્યો હતો. તેના ફેસબુક પેજ પર બહાર પાડવામાં આવેલા ઓડિયો સંદેશમાં કહેવામાં આવ્યું છે કે પંજશીરમાં પ્રતિકાર બળ અસ્તિત્વમાં છે. તેમણે કહ્યું કે પાકિસ્તાને પંજશીરમાં અફઘાનો પર હુમલો કર્યો હતો અને આંતરરાષ્ટ્રીય સમુદાય ચૂપચાપ જોઈ રહ્યો હતો. અહમદ મસૂદે પોતાના ઓડિયો સંદેશમાં એમ પણ કહ્યું હતું કે, લોહીના છેલ્લા ટીપાં સુધી તે હાર નહીં માનો.
અમે તાલિબાન સામેની લડાઈ ચાલુ રાખીશું
અહમદ મસૂદે કહ્યું છે કે અમે તાલિબાન સામેની લડાઈ ચાલુ રાખીશું. અહમદ મસૂદે તાલિબાન પર પાકિસ્તાનની મદદથી બર્બર હુમલો કરવાનો આરોપ મૂક્યો છે અને કહ્યું છે કે તાલિબાન બદલાયું નથી. હવે તે વધુ દમનકારી, ક્રૂર, ઉગ્રવાદી અને વધુ હિંસક બની ગયો છે. અહમદ મસૂદનો ઓડિયો સંદેશ એવા સમયે આવ્યો છે જ્યારે તાલિબાને પંજશીર ફતાહનો દાવો કર્યો હતો અને વિરોધીઓને ચેતવણી આપી હતી કે જે પણ તેની સામે શસ્ત્રો લેશે તેને પંજશીરની જેમ ગણવામાં આવશે.