અમદાવાદ / બાળકીનો અંગુઠો કાપવા મામલે પોલીસ ફરિયાદ બાદ જવાબદાર નર્સ ભૂગર્ભમાં

મહત્વનુ છે કે, માસૂમ બાળકીની હોસ્પિટલના ચિલ્ડ્રન વોર્ડમાં સારવાર ચાલી રહી હતી. ન્યુમોનિયા થયો હોવાથી બાળકીને વોર્ડમાં દાખલ કરવાની હતી. રવિવારે રજા આપતી વખતે હાથમાં લાગેલી સોઈ કાપવા જતા બાળકીનો અંગૂઠો કપાયો હતો. આ ઘટના બહાર પરિવારજનોમાં રોષ જોવા મળ્યો હતો. 6 મહિનાની બાળકીની આંગળી કાપનાર નર્સ સામે પોલીસ ફરિયાદ થઈ છે.

તમને જણાવીએ કે, આવુ પહેલીવાર નથી કે વીએસ હોસ્પિટલમાં બેદરકારીનો કિસ્સો બન્યો હોય. આ પહેલા પણ અનેકવાર આવા કિસ્સા બન્યા છે, જેમાંથી હોસ્પિલના સત્તાધીશો દ્વારા કોઈ બોધપાઠ લેવામાં આવ્યો નથી. તાજેતરમાં જ વીએસ હોસ્પિટલમાં યુવતીઓના મૃતદેહોની અદલાબદલી કરાઈ હતી, જેનો હોબાળો મચ્યો હતો. અનેકવાર આવા કિસ્સા બન્યા છતા વીએસના સત્તાધીશો આંખ આડા કાન કરે છે. જ્યારે હવે એક માસુમ બાળકી વીએસના બેદરકાર તંત્રનો ભોગ બની છે.