વિવાદ / VS હોસ્પિટલ પર ફરી લાપરવાહીનો આક્ષેપ, 2 કલાક બેસાડી ન આપી ટ્રીટમેન્ટ

મહિલાને 2 કલાક સુધી બેસાડીને ટ્રીટમેન્ટ ન આપ્યો હોવાનો દર્દીના પરિવારજનોએ આક્ષેપ કર્યા છે. આ દરમિયાન પરિવારજનોએ હોસ્પિટલમાં હોબાળો કર્યો હતો. આ ઘટનાની જાણ થતા RMO ઘટનાસ્થળે પહોંચ્યા હતા. RMOની સૂચના બાદ ડોક્ટરોએ મહિલા દર્દીને એડમિટ કર્યા હતા. 

મહત્વનુ છે કે, આ પહેલા પણ વીએસ હોસ્પિટલ વિવાદમાં આવી છે. થોડા દિવસ પહેલા નર્સની બેદરકારીના કારણે એક બાળકીનો અંગૂઠો કપાયો હતો. જેના કારણે હોસ્પિટલમાં વિવાદ થયો હતો. આ ઘટના બાદ તંત્ર દ્વારા તપાસ કરવાના આદેશ અપાયા હતા. જોકે હવે ફરી એક વખત વીએસ હોસ્પિટલ વિવાદમાં આવી છે.

VTVના ગંભીર સવાલ:

• VSના તબીબોની દાદાગીરી કયા સુધી ચાલશે?
• સારવાર માટે કેમ ના પાડવામાં આવે છે?
• દર વખતે VS હોસ્પિટલ જ કેમ વિવાદમાં આવે છે?
• RMO  દ્વારા કેમ તપાસ કરાતી નથી?
• શું VSમાં કોઈ અનુભવી તબીબો નથી?
• તંત્ર દ્વારા કેમ VS હોસ્પિટલની તપાસ કરાતી નથી?

વીએસ હોસ્પિટલમાં અવારનવાર લાપરવાહીના કિસ્સાઓ સામે આવતાં રહ્યા છે. થોડા દિવસો અગાઉ માત્ર છ મહિનાની બાળકીના હાથેથી પાટો કાપવાનો હતો, પણ વીએસની નર્સે કાતર વડે પાટો કાપવાને બદલે માસૂમ બાળકીનો અંગૂઠો જ કાપી દીધો હતો. 

તમને જણાવીએ કે, આવુ પહેલીવાર નથી કે વીએસ હોસ્પિટલમાં બેદરકારીનો કિસ્સો બન્યો હોય. આ પહેલા પણ અનેકવાર આવા કિસ્સા બન્યા છે, જેમાંથી હોસ્પિલના સત્તાધીશો દ્વારા કોઈ બોધપાઠ લેવામાં આવ્યો નથી. તાજેતરમાં જ વીએસ હોસ્પિટલમાં યુવતીઓના મૃતદેહોની અદલાબદલી કરાઈ હતી, જેનો હોબાળો મચ્યો હતો. અનેકવાર આવા કિસ્સા બન્યા છતા વીએસના સત્તાધીશો આંખ આડા કાન કરે છે.