રાજ્યમાં દિવસે દિવસે ક્રાઇમની ઘટનાઓમાં વધારો થઇ રહ્યો છે, જ્યારે અમદાવાદના વેજલપુરમાંથી પોલીસે બોગસ કોલ સેન્ટર ઝડપી પાડ્યું છે. વેજલપુરના ફતેહવાડીમાં આવેલા જેબા ફ્લેટ્સમાંથી પોલીસે બોગસ કોલ સેન્ટર ઝડપી પાડ્યું છે.
બોગસ કોલ સેન્ટરથી પોલીસે બે આરોપીની પણ ધરપકડ કરી ગુનો નોંધીને વધુ તપાસ હાથ ધરી છે. પ્રાપ્ત વિગતો મુજબ, આ કોલ સેન્ટર છેલ્લા એક મહિનાથી ચાલતુ હતુ. કોલ સેન્ટર ચલાવવા માટે આરોપીઓએ ભાડે મકાન રાખ્યું હતુ. આ કોલ સેન્ટરમાંથી વિદેશમાં રહેતા લોકોને ફોન કરીને પેઈડ લોન આપવાના બહાને તેમની પાસેથી રૂપિયાની લૂંટ ચલાવવામાં આવતી હતી.