શહેરના વસ્ત્રાપુર વિસ્તારમાં ગેસ લીકેજના કારણે બીડી સળગાવનાર વ્યક્તિ આગની ઝપટમાં આવી જતા ગંભીર રીતે દાઝી ગઈ છે. જેમને સારવાર માટે વીએસ હોસ્પિટલમાં ખસેડવામાં આવ્યા છે.
સૂત્રોના જણાવ્યા અનુસાર ગોરધનભાઈ એક્ટિવા લઈને વસ્ત્રાપુરથી પસાર થતાં હતા. ત્યારે તેમણે પોતાનું એક્ટિવા બીડી પીવા માટે અદાણી ગેસની મેઈનલાઈન પાસે ઊભું રાખ્યું હતું. ગોરધનભાઈએ બીડી પીવા માટે માચીસ સળગાવી ત્યારે પાઈપમાંથી લીકેજ ગેસ અચાનક આગ ભભૂકી ઊઠી હતી.
ગોરધનભાઈ અચાનક આગની ઝપટમાં આવી ગયા હતા. આ ઘટનાને નજરે જોનાર લોકોએ ગોરધનભાઈ તાત્કાલિક સારવાર અર્થે વીએસ હોસ્પિટલ ખસેડાયા હતા. સૂત્રોના જણાવ્યા અનુસાર અદાણી ગેસની લાઈનમાં કામગીરી ચાલુ હતી તે દરમિયાન સામાન્ય ગેસ લીકેજ થતો હતો. ગોરધનભાઈએ માસીચ સળગાવતાની સાથે જ લીકેજ થયેલા ગેસમાં આગ લાગી હતી.