અમદાવાદ જિલ્લાના માંડલ ગામમાં ફરી એક વાર જૂથ અથડામણની ઘટના સામે આવી છે. માંડલ ગામમાં એક જ કોમના બે જૂથ આમને સામને આવી જતા ભારે જૂથ અથડામણ થઈ. જેમાં 7 લોકો ઇજાગ્રસ્ત થયા છે, જેમને સારવાર અર્થે હોસ્પિટલમાં ખશેડવામાં આવ્યા છે.
આ અથડામણમાં 7 લોકોને ઈજા થતા સારવાર માટે ખસેડવામાં આવ્યા છે. જ્યારે 3 લોકોની ગંભીર રીતે ઈજાગ્રસ્ત થતા તેઓને અમદાવાદની સિવિલ હોસ્પિટલમાં સારવાર માટે ખસેડવામાં આવ્યા છે. પ્રાપ્ત વિગતો મુજબ, આ ગામમાં આ બંને જૂથ વચ્ચે વર્ષો જૂની અદાવત ચાલી રહી છે. જેના પગલે અવાર નવાર તેઓ સામ સામે આવી ચૂક્યા છે.
ત્યારે ગઈ મોડી રાતે પણ તેઓ સામ સામે આવી જતા ગામમાં અફરા તફરી સર્જાઈ હતી. ઘટનાની જાણ પોલીસને થતા પોલીસ કાફલો ઘટના સ્થળે પહોંચ્યો હતો અને પરિસ્થિતિ પર કાબૂ મેળવ્યો છે. પોલીસે રાયોટિંગ અને 307નો ગુનો નોંઘીને વધુ તપાસ હાથ ધરી છે.