CCTV / અમદાવાદ શહેરમાં ચાદર ગેંગ ફરી સક્રિય, પેથોલોજી લેબોરેટરીમાં ઘૂસીને કરી ચોરી

ઉલ્લેખનીય છે કે, આ ગેંગના સભ્યોએ શહેરના ટ્રાફિકથી ધમધમતા રહેતા આસ્ટોડીયા વિસ્તારમાં આવેલ એક પેથોલોજી લેબને નિશાન બનાવી હતી. આ ગેંગે લેબમાં ઘૂસીને કેટલીક વસ્તુઓની ચોરી કરીને ફરાર થઇ ગઇ હતી. જો કે, આ મામલા અંગેની જાણ બાજુમાં આવેલ ગાયકવાડ પોલીસ સ્ટેશને થતાં પોલીસ કાફલો ઘટના સ્થળે આવી પહોંચ્યો હતો અને તપાસ હાથ ધરી હતી. 

સુરતમાં ત્રાટકી હતી ચાદર ગેંગ

રાજ્યમાં લૂંટ અને ચોરીની ઘટનાઓ દિન પ્રતિ-દિન વધતી જ જાય છે. ક્યાક લોકો જબરદસ્તી લૂંટી રહ્યા છે તો ક્યાક ચોરીઓ થઇ રહી છે. સુરત શહેરમાં ફરી એકવાર મહિલા ગેંગનો આતંક જોવા મળ્યો છે. વરાછામાં એ.કે. રોડ પર આવેલી મેડિકલની દુકાનમાં મહિલા ચાદર ગેંગ ત્રાટકી હતી અને બાદમાં મહિલા ગેંગે ચોરીને અંજામ આપ્યો છે.